تەاترعا ساياحات

– ءبىز بالالار مەن جاس­وسپىرىمدەر اۋديتوريا­سىمەن ءاردايىم زور قۇل­شىنىسپەن جۇمىس ىس­تەيمىز. ولارعا ۇشى-قيى­رى جوق تەاتر ونەرى الە­مىن اشۋ – ءبىز ءۇشىن ۇل­كەن قۋانىش, سەبەبى ءبىز ولاردىڭ شىنايى قىزى­عۋشىلىعىن كورەمىز, بالالار كوپتەگەن سۇراق قويا­دى. بۇل وتە زەرەك اۋديتو­ريا. ولار وزدەرى ءۇشىن جاڭا ءبىلىمدى يگەرۋگە تەز كىرىسىپ كەتەدى. تەاتردا مۇن­داي ساياحاتتار تۇراقتى تۇردە وتكىزىلىپ تۇرادى. سوندا دا وقۋشىلار دەمالىس ۋاقىتىن پايدالى ءارى قىزىقتى وتكىزۋى ءۇشىن ينتەنسيۆ بلوگىن ۇيىم­­داستىردىق, – دەي­دى «استانا وپەرا» تەاترى­نىڭ ديرەك­تو­رىنىڭ ورىن­باسارى اي­جان قۇر­مانعاليەۆا.

سپەكتاكل تۋرالى دا­رىستەر مەن «تەاتر سا­باعى» ءتارىزدى قازاق جانە ورىس تىل­دەرىندە وتەتىن تەاتر­لىق ساياحات تا تانى­مال. بۇل – «استانا وپە­را» جۇزەگە اسىراتىن تاعى ءبىر ماڭىزدى جو­با. ستاتيستيكالىق مالى­مەتتەرگە سۇيەنسەك, 2022 جىلى وعان مىڭنان اس­تام ەلوردالىق وقۋشى قا­تىس­قان. سونىمەن بىرگە تەاتر­عا اقمول, شورتاندى كەنت­تەرىنەن, بوزايعىر, قا­را­وت­كەل, قورعالجىن, جى­بەك جولى اۋىلدارىنان, اق­كول قا­لاسى مەن باسقا دا كوپ­تەگەن وڭىردەن ءبىلىم الۋشىلار كەلەدى.

ايتا كەتەيىك, بۇل جوبالار بالالاردىڭ عانا ەمەس, ەرەسەكتەردىڭ دە نازارىن اۋدارتادى. جاسى ۇلكەن ازاماتتار الەۋمەتتىك جە­لىلەردە بەلسەندىلىك تانىتىپ, تەاتر اكىمشىلىگىنە ەرە­سەكتەرگە ارنالعان تەاتر ساباقتارىن وتكىزۋ جونىندە ۇسىنىس ايتقان. وسى رەتتە ديرەكتسيا الەۋمەتتىك جەلى وقىرماندارى كو­تەر­گەن بۇل باستامانى قۇپ الدى. وتكەن ايدا «اس­تانا وپەرانىڭ» ەكسكۋر­سيا جەتەكشىلەرى وسى اۋدي­تورياعا ارناپ «تەاتر سا­باق­تارىن» وتكىزدى. «سا­باق» قاتىسۋشىلارى ارتىس­تەردىڭ دايىندىق زالدارىن, مۋزەي مەن تەاتر تسەحتارىن كوردى.

كوپشىلىك «تەاتردى سپەكتاكلدەن بولەك قالاي كورۋگە بولادى؟» دەگەن سا­ۋالدى ءجيى قويىپ جاتادى. ول ءۇشىن سەيسەنبى مەن جەكسەنبى ارالىعىندا كەز كەلگەن كۇنى كاسسادان بيلەت الىپ كەلۋگە بولادى (بيلەتتىڭ قۇنى ەرەسەكتەر ءۇشىن 2 مىڭ تەڭگەنى, بالالار, ستۋدەنتتەر مەن زەينەتكەرلەر ءۇشىن 1 مىڭ تەڭگەنى قۇرايدى).

– وقۋشىلار مەن ستۋ­دەنتتەر ءۇشىن تەاتر اۋقىم­دى ءبىلىم بە­رۋ قىز­­مە­­تىن اتقارىپ, جاڭا بى­لىم­گە ۇم­تىلۋعا ىن­تا­لان­­دى­را­دى. تەاترلىق قويى­لىم­داردىڭ عاجايىپ الە­مى جاسوسپىرىمدەردىڭ شى­عار­ماشىلىققا دەگەن كوز­قاراسىن وزگەرتە الادى. مىنە, سوندىقتان تاربيە بەرۋ ىسىندە ولارعا ءمان بەر­­مەۋگە بولمايدى, – دەدى اي­­جان قۇرمانعاليەۆا.