كەزدەسۋ بارىسىندا ر. سكليار پيارك وكىلدەرىن جولدار مەن تاسىمال سالاسىن دامىتۋ, الداعى جوسپارلار تۋرالى حاباردار ەتتى جانە قاۋىمداستىقپەن ىنتىماقتاستىقتىڭ ماڭىزدىلىعىن اتاپ ءوتتى.
ءوز كەزەگىندە قاۋىمداستىق پرەزيدەنتى نازير اللي قازاقستاننىڭ پيارك-كە كىرۋى 1200-دەن استام حالىقارالىق ساراپشىلاردىڭ قاتىسۋىمەن تەحنيكالىق كوميتەتتەردە ازىرلەنىپ جاتقان جولدارعا, ينجەنەرلىك قۇرىلىستارعا, جول قوزعالىسىنا قاتىستى زاماناۋي تەحنيكالىق ازىرلەمەلەرگە جانە سالالىق قۇجاتتاماعا قول جەتكىزۋگە مۇمكىندىك بەرەتىنىن اتاپ كورسەتتى.
كەزدەسۋ قورىتىندىسى بويىنشا تاراپتار ىنتىماقتاستىقتى ودان ءارى ىلگەرىلەتۋ ماقساتىندا قازاقستاندا دۇنيەجۇزىلىك جول قاۋىمداستىعىنىڭ ۇلتتىق كوميتەتىن قۇرۋ تۋرالى ۋاعدالاستى.
وسى جىلدىڭ قازان ايىندا قازاقستان پراگا قالاسىندا (چەحيا) وتەتىن دۇنيەجۇزىلىك جول كونگرەسسىنە قاتىسادى.
پيارك حالىقارالىق ۇيىم بولىپ تابىلادى جانە ساراپشىلاردىڭ ءوزارا ارەكەتتەسۋىنە, سونداي-اق اۆتوموبيل جولدارى مەن جۇك اۆتوموبيلدەرى تاسىمالى سالاسىنداعى تاجىريبە الماسۋعا ارنالعان ەڭ ۇلكەن الاڭ رەتىندە قىزمەت ەتەدى. قاۋىمداستىق 1909 جىلى پاريجدە قۇرىلدى.
پيارك-ءتىڭ نەگىزگى ءىس-شارالارى – اۆتوموبيل جولدارى مەن جۇك كولىكتەرى تاسىمالى سالاسىندا ادىستەر مەن تاجىريبە الماسۋ ءۇشىن ءتورت جىل سايىن ۇيىمداستىرىلاتىن دۇنيەجۇزىلىك جول كونگرەستەرى مەن حالىقارالىق قىسقى جول كونگرەستەرى. 2021 جىلدىڭ قازان ايىندا پيارك كەڭەسى قازاقستان رەسپۋبليكاسىنىڭ قاۋىمداستىققا كىرۋ جونىندەگى ءوتىنىشىن ماقۇلدادى. ال 2022 جىلدىڭ قاراشاسىندا قازاقستان پيارك-كە رەسمي تۇردە قابىلداندى.
