فوتو: اشىق دەرەككوز
افريكا ەلدەرىندە ۆولونتەرلىك قوزعالىستى دامىتۋعا جانە حالىقارالىق بايلانىستى ارتتىرۋعا باعىتتالعان ءتۇرلى ءىس-شارالار ۇيىمداستىرىلىپ جاتىر.
اتاۋلى جىل اياسىندا ماروككودا «Chantiers Jeunesse Maroc» ۇيىمى ۆولونتەرلەرگە ارنالعان ۇلتتىق وقىتۋ سەسسياسىن وتكىزدى. ەلدىڭ ءار وڭىرىنەن جينالعان قاتىسۋشىلار كوشباسشىلىق, جوبالاردى باسقارۋ جانە الەۋمەتتىك باستامالار توڭىرەگىندە پىكىر الماستى.
ال سەنەگالدا «Dakar 2026 Youth Olympic Games» ويىندارىنا دايىندىق شەڭبەرىندە بالالارعا ارنالعان ءىس-شارا ءوتتى. ۆولونتەرلەردىڭ قاتىسۋىمەن ۇيىمداستىرىلعان سپورتتىق جانە تانىمدىق باعدارلامالار جاستاردى ورتاق ىسكە جۇمىلا بىلۋگە باعىتتاپ, سالاۋاتتى ءومىر سالتىنىڭ ماڭىزىن دارىپتەي ءتۇستى. اتالعان ءىس-شارالار حالىقارالىق ۆولونتەرلەر جىلى – 2026 باستاماسىنىڭ ۆولونتەرلىك مادەنيەتتى نىعايتۋ مەن تۇراقتى دامۋ قۇندىلىقتارىن ىلگەرىلەتەتىن جاھاندىق الاڭعا اينالىپ كەلە جاتقانىن ايقىندادى.
ايتا كەتەيىك, بۇۇ باس اسسامبلەياسى 2026 جىلدى تۇراقتى دامۋ ماقساتىندا حالىقارالىق ۆولونتەرلەر جىلى دەپ جاريالاعان بولاتىن.
بۇعان دەيىن يرلانديادا حالىقارالىق ۆولونتەرلەر جىلى اياسىندا «26 for 26» اكتسياسى باستالعانى تۋرالى جازدىق.
