فوتو: اشىق دەرەككوز
ءىس-شارالاردى وتكىزۋ كەزىندە ارنايى مەملەكەتتىك جانە قۇقىق قورعاۋ ورگاندارىنىڭ, سونداي-اق قارۋلى كۇشتەردىڭ رەسۋرستارى, ونىڭ ىشىندە اسكەري اۆياتسيا مەن تەحنيكا پايدالانىلاتىن بولادى. سونىمەن قاتار وسى كۇندەرى قورعانىس مينيسترلىگىنىڭ جويعىش اۆياتسياسى استانا اسپانىندا ۇشىپ وتەدى.
«ماڭىزدى حالىقارالىق دەڭگەيدەگى ءىس-شارا كەزىندە قاۋىپسىزدىكتى قامتاماسىز ەتۋ شارالارىنا تۇرعىندار مەن قالا قوناقتارىنىڭ تۇسىنىستىكپەن قاراۋىن سۇرايمىز», دەلىنگەن مەملەكەتتىك كۇزەت قىزمەتىنىڭ حابارلاماسىندا.
ايتا كەتەيىك, 27-29 مامىر ارالىعىندا قازاقستان پرەزيدەنتى قاسىم-جومارت توقاەۆتىڭ شاقىرۋىمەن رەسەي فەدەراتسياسىنىڭ پرەزيدەنتى ۆلاديمير پۋتين مەملەكەتتىك ساپارمەن كەلەدى.
كەلىسسوزدەر بارىسىندا مەملەكەت باسشىلارى قازاقستان مەن رەسەي اراسىنداعى كەڭەيتىلگەن ستراتەگيالىق سەرىكتەستىك پەن وداقتاستىق قاتىناستاردى نىعايتۋدىڭ قازىرگى جاعدايى مەن بولاشاعىن تالقىلايدى.
28 مامىر كۇنى ەۋرازيالىق ەكونوميكالىق وداققا مۇشە مەملەكەتتەر باسشىلارىنىڭ قاتىسۋىمەن ەۋرازيالىق ەكونوميكالىق فورۋم وتەدى.
29 مامىردا جوعارى ەۋرازيالىق ەكونوميكالىق كەڭەستىڭ وتىرىسى جوسپارلانعان.
