1. ەڭ العاشقى كىتاپحانا
ەلىمىزدەگى تۇڭعىش كىتاپحانا 152 جىل بۇرىن (1871 جىلى) ورال قالاسىندا اشىلدى. كىتاپحانا عيماراتى قالانىڭ ەڭ كورنەكتى تاريحي-مادەني جانە ساۋلەت ەسكەرتكىشى رەتىندە تانىمال. بۇگىندە جۇبان مولداعاليەۆ اتىنداعى باتىس قازاقستان وبلىستىق امبەباپ عىلىمي كىتاپحانا وڭىردەگى 360 كىتاپحانانىڭ ادىستەمەلىك ورتالىعى سانالادى.
2. ەڭ كوپ قولجازبا مەن سيرەك قورلار ساقتالعان كىتاپحانا
ەلىمىزدەگى سيرەك قورلار مەن قولجازبالارعا باي كىتاپحانا - اباي اتىنداعى اباي وبلىستىق امبەباپ كىتاپحاناسى. كىتاپحانانىڭ تۇراقتى وقىرماندارىنىڭ قاتارىندا قازاقتىڭ كەمەڭگەر اقىنى اباي قۇنانباي ۇلى دا بولعان. مۇندا 4 مىڭنان استام وتە سيرەك كەزدەسەتىن كىتاپ ساقتالعان. حرونولوگيالىق تۇرعىدان ادەبيەتتەر ءتىزىمى XVIII عاسىردىڭ ەكىنشى جارتىسى مەن XIX عاسىردى قامتيدى.
3. ەڭ ۇلكەن كىتاپ قورى بار كىتاپحانا
ەلىمىزدەگى كىتاپ قورى ەڭ ۇلكەن كىتاپحانا – الماتى قالاسىنداعى قر ۇلتتىق كىتاپحاناسى. مۇندا 7 ميلليوننان استام كىتاپ بار. 1910 جىلى ىرگەتاسى قالانعان كىتاپحانا 1931 جىلى ۇكىمەت قاۋلىسىنا سايكەس قازاق سسر-ءنىڭ مەملەكەتتىك كوپشىلىك كىتاپحاناسى بولىپ قايتا قۇرىلعان. بۇگىندە ۇلتتىق كىتاپحانا رەسپۋبليكا كىتاپحانالارىنىڭ عىلىمي-ادىستەمەلىك ورتالىعى رەتىندە تانىمال.
4. ەڭ زاماناۋي كىتاپحانا
الماتى قالاسىنداعى جامبىل اتىنداعى جاسوسپىرىمدەر كىتاپحاناسى مودەرنيزاتسيادان كەيىن «ەڭ زاماناۋي كىتاپحانا» اتاعىنا ابدەن لايىق. كىتاپحانا جانىنان كوۆوركينگ-ورتالىق اشىلعالى بۇل جەر جاستاردىڭ باس قوساتىن ادەبي جانە مادەني دەمالىس ورنىنا اينالعان. كىتاپحانا Open Space فورماتىندا قىزمەت كورسەتەدى. وقىرماندارعا قولايلى جاعداي جاساۋ ءۇشىن مۇندا Silent zone (تىنىش ايماق), Single zone (جەكە ايماق), Public spase (توپتىق ايماق), Atrium (اتريۋم) قاراستىرىلعان.
5. ەڭ تسيفرلى كىتاپحانا
استاناداعى قر ۇلتتىق اكادەميالىق كىتاپحاناسى تسيفرلى جانە ەلەكتروندى كونتەنت بويىنشا ەلىمىزدەگى ەڭ ۇزدىك كىتاپحانا سانالادى. 2004 جىلى اشىلعان كىتاپحانا «قازاقستاندىق ەلەكتروندىق مەملەكەتتىك كىتاپحانا قورى» (kazneb.kz) جوباسىن جۇزەگە اسىرىپ وتىر. اتالعان پورتالعا ەلىمىزدىڭ مادەني-ادەبي, تاريحي قۇندىلىقتارىنا قاتىستى 70 مىڭنان اسا ەلەكتروندى كونتەنت ەنگىزىلگەن.
