ۇكىمەتتىڭ جاڭا قۇرامىن 11 ناۋرىزدا تاعايىندالعان پرەمەر-مينيستر لي تسيان ۇسىندى.
سينحۋا اقپاراتتىق اگەنتتىگىنىڭ مالىمەتىنشە, پرەمەر-مينيستر ورىنباسارلارىنىڭ قۇرامى تولىعىمەن جاڭارتىلدى. بۇل لاۋازىمداردى دين سيۋەسيان, حە ليفەنگ, چجان گوتسين جانە ليۋ گوجونگ يەلەندى. مەملەكەتتىك كەڭەستىڭ مۇشەلەرى لي شانفۋ, ۆان سياوحۋن, ۋ چجەنلۋن, شەن يتسين, تسين گان بولدى.
2022 جىلدىڭ جەلتوقسانىندا قىتايدىڭ سىرتقى ىستەر ءمينيسترى بولىپ تاعايىندالعان تسين گانگ ءوز قىزمەتىن ساقتاپ قالدى. سونىمەن قاتار مەملەكەتتىك قاۋىپسىزدىك ءمينيسترى چەن يسين, قارجى ءمينيسترى ليۋ كۋن جانە ساۋدا ءمينيسترى ۆان ۆەنتاو ءوز قىزمەتتەرىندە قالدى.
بۇعان دەيىن دەپۋتاتتار لي تسياندى ءۇشىنشى مەرزىمگە سايلانعان قىتاي حالىق رەسپۋبليكاسىنىڭ توراعاسى سي ءتسزينپيننىڭ ۇسىنىسى بويىنشا پرەمەر رەتىندە بەكىتتى.
