«الەمدىك ەكونوميكا قۇبىلىپ تۇر, ينفلياتسيا ءوسىپ جاتىر, ساۋدا بايلانىستارى ءۇزىلىپ, كوپ جىلعى كەلىسىم جۇمىس ىستەۋىن توقتاتتى. مۇنىڭ ءبارى ارقايسىمىزعا اسەر ەتپەي قويمايدى. ءسىزدىڭ پارتياڭىز قاراپايىم حالىقتىڭ جاعدايىن قالاي جاقسارتا الادى؟» دەگەن سۇراق قويدى دەبات جۇرگىزۋشىسى.
بۇل ورايدا ايدوس سارىم Amanat پارتياسىنىڭ باعدارلاماسى حالىقپەن بىرلەسىپ جازىلعانىن اتاپ ءوتتى. «حالىقتىڭ مۇڭىن جاقسى بىلەمىز, ونى ءبىز عانا شەشە الامىز» دەگەن پارتيا وكىلى ەلدە ءتارتىپ ورناتاتىنىن العا تارتتى.
ء«بىز الەۋمەتتىك ادىلەتتىكتى قامتاماسىز ەتەمىز. زاڭسىز شىعارىلعان كاپيتالداردىڭ قايتارىلۋىنا قول جەتكىزەمىز. جەمقورلىقپەن, وليگوپوليامەن, لاتيفۋنديستەرمەن كۇرەستى كۇشەيتەمىز. ءار وتباسىنىڭ, ءار قازاقستاندىقتىڭ تابىسىنىڭ ارتۋىنا ىقپال ەتەمىز», دەدى ايدوس سارىم.
سونداي-اق ول جاڭا الەۋمەتتىك كودەكس قابىلداناتىنىن ايتتى.
