قازاقستاندا كاسىپكەرلەرگە نەسيە بەرۋ كولەمى 11 ترلن تەڭگەدەن استى. ۇلتتىق بانكتىڭ مالىمەتىنشە, 2023 جىلعى 1 اقپانداعى جاعداي بويىنشا شارۋاشىلىق جۇرگىزۋشى سۋبەكتىلەرگە 11,4 ترلن تەڭگە سوماسىندا نەسيە بەرىلگەن. بۇل وتكەن جىلدان قاراعاندا 35,7 پايىزعا نەمەسە 3 ترلن تەڭگەگە ارتىق.
ونىڭ ىشىندە ءىرى بيزنەسكە 5 ترلن تەڭگەدەن استام (2022 جىلعى اقپانمەن سالىستىرعاندا 56,25 پايىزعا كوپ), ال شاعىن جانە ورتا بيزنەسكە – 6,4 ترلن تەڭگە (23,07 پايىزعا ارتىق) بەرىلدى.
نەگىزگى ۇلەس ونەركاسىپ سالاسىنا – 4,6 ترلن تەڭگە, ساۋدا سالاسىنا – 2,3 ترلن تەڭگە جانە باسقا سالالارعا – 2,5 ترلن تەڭگە نەسيە بەرىلگەن.
