«اناعا سالەم» كەشىنىڭ باعدارلاماسىندا انالار جانە ماحاببات تۋرالى تاڭدامالى اندەر, ونىڭ ىشىندە الەكساندر زاتسەپيننىڭ «كوكتەم ءۆالسى», ەسكەندىر حاسانعاليەۆتىڭ «ساعىندىم سەنى», ارنو بابادجانياننىڭ «كورولەۆا كراسوتى», ءشامشى قالداياقوۆ اندەرىنەن پوپۋرري, استور پياتسوللانىڭ «Libertango» جانە باسقالارى بار. بۇل شىعارمالار – ءوز زامانىنىڭ جاۋھارلارى رەتىندە تانىلعان ۇمىتىلماس اۋەندەر.
كونتسەرتتە ارايلىم راحىمقىزى, التىناي جوراباەۆا, سۆەتلانا ايتباەۆا, ەستاي مۇقاشەۆ, «دارىن» مەملەكەتتىك جاستار سىيلىعىنىڭ لاۋرەاتى نۇربول بالاپانوۆ, حالىقارالىق جانە رەسپۋبليكالىق بايقاۋلاردىڭ لاۋرەاتتارى زارينا وماروۆا, ايدىن جۇماباەۆ, فاريدا جولداسوۆا, الۋا قالىمبەكوۆا, التىنشاش مۇقاتاەۆا, پاراسات وتان, اقبوتا قۇسنادين, اكىمحان ماجەنوۆ, فيرۋزا راحمەتوۆا, داۋرەن تولەۋباەۆ ونەر كورسەتتى. ەسترادالىق ۆوكال ءبولىمىنىڭ كوركەمدىك جەتەكشىسى – ارايلىم راحىمقىزى, كلاسسيكالىق ۆوكال ءبولىمىنىڭ كوركەمدىك جەتەكشىسى – روزا شوتقاليەۆا, حالىق ءانى ءبولىمىنىڭ كوركەمدىك جەتەكشىسى – تەلمان نۇركەنوۆ. جەكە ورىنداۋشىلار ۇرلەمەلى وركەسترمەن (كوركەمدىك جەتەكشىسى – نيكيتا پوچيتالين) جانە «ALEM» زاماناۋي حورەوگرافيا بالەتىمەن (كوركەمدىك جەتەكشىسى – باقىت تاجينوۆ) بىرگە ساحناعا شىقتى.
