«ستاتيستيكاعا سايكەس, 2010 جىلى مەملەكەتتىك قىزمەتتەگى ايەلدەردىڭ ۇلەسى 52,7%-دى قۇراسا, 2022 جىلى 55,4%-عا دەيىن ءوستى. ونىڭ ىشىندە 39,2% باسشىلىق قىزمەتتى اتقارادى. ساياسي لاۋازىمداردا 59 ايەل جۇمىس ىستەيدى. ونىڭ ىشىندە مينيسترلەر, اگەنتتىكتىڭ, جوعارى اۋديتورلىق پالاتانىڭ جانە كونستيتۋتسيالىق سوتتىڭ توراعالارى, سەنات توراعاسىنىڭ ورىنباسارلارى, وبلىستار مەن قالا اكىمدەرىنىڭ ورىنباسارلارى, اۋدان اكىمدەرى بار», دەدى مينيستر.
ۇەم باسشىسىنىڭ مالىمەتىنشە, شاعىن جانە ورتا بيزنەستەگى ايەلدەردىڭ ۇلەسى 2011-2021 جىلدار ارالىعىندا 38,4%-دان 44,6%-عا ءوستى. ەلىمىزدە كاسىپورىن باسشىلارىنىڭ 30,8%-ى - ايەلدەر. بۇل رەتتە, ۇكىمەت مەملەكەتتىك قاتىسۋى بار كومپانيالاردىڭ باسشى ورگاندارىنداعى ايەلدەردىڭ ۇلەسىن كەزەڭ-كەزەڭىمەن 30%-عا دەيىن ارتتىرۋعا باعىتتالعان شارالار قابىلداپ جاتىر.
ايەلدەر كاسىپكەرلىگىن قولداۋ قارجىلاي جانە قارجىلاي ەمەس شارالار ارقىلى جۇزەگە اسىرىلىپ كەلەدى. سىياقى مولشەرلەمەسىن سۋبسيديالاۋ شەڭبەرىندە 6 مىڭ جوبا, كرەديتتەرگە كەپىلدىك بەرۋ بويىنشا 4 مىڭ جوبا قولداۋ تاپتى. سونىمەن قاتار قر ۇەم ەۋروپا قايتا قۇرۋ جانە دامۋ بانكىمەن بىرلەسىپ, «بيزنەستەگى ايەلدەر» باعدارلاماسىن ىسكە اسىرىپ جاتىر.
«تۇراقتى ەكونوميكالىق ءوسۋدىڭ ماڭىزدى فاكتورلارىنىڭ ءبىرى رەتىندە ىسكەرلىكتى ارتتىرۋداعى ايەلدەردىڭ قوسقان ەلەۋلى ۇلەسىن اتاپ وتكىم كەلەدى. ايەلدەردىڭ ساياساتتاعى ءرولى جانە ولاردىڭ بەلسەندى قاتىسۋى قوعامدىق ءومىردىڭ باسقا سالالارىندا دا گەندەرلىك تەڭدىكتى جاقسارتۋعا ىقپال ەتەدى», دەدى ۆەدومستۆو باسشىسى.
