ۇيىم پسيحيكالىق نەمەسە پسيحولوگيالىق كەمىستىگى بويىنشا سوت شەشىمىمەن ارەكەتكە قابىلەتسىز دەپ تانىلعانداردى جانە باس بوستاندىعىنان ايىرۋ ورىندارىندا جازاسىن وتەپ جاتقانداردى قوسپاعاندا, 18 جاسقا تولعان بارلىق ازاماتتاردىڭ داۋىس بەرۋگە قۇقىعى بار ەكەنىن ەسكە سالدى.
داۋىس بەرۋ كۇنى تۇراقتى تۇرعىلىقتى جەرى بويىنشا سايلاۋ ۋچاسكەسىندە داۋىس بەرە المايتىن سايلاۋشىلار وزدەرىن ۋاقىتشا تۇراتىن جەرى بويىنشا سايلاۋشىلاردىڭ ءتيىستى تىزىمىنە ەنگىزۋ تۋرالى وتىنىشپەن سايلاۋ كۇنىنە 30 كۇننەن كەشىكتىرمەي اكىمدىكتەرگە جۇگىنە الادى.
سونىمەن قاتار سايلاۋشىلار داۋىس بەرۋ كۇنىنەن كەيىن 15 كۇن ىشىندە كەز كەلگەن سايلاۋ ۋچاسكەسىندە داۋىس بەرۋگە مۇمكىندىك بەرەتىن سىرتتاي داۋىس بەرۋ سەرتيفيكاتىن سۇراي الادى. دەنساۋلىعىنا بايلانىستى جانە شالعاي ەلدى مەكەندەردەگى سايلاۋشىلارعا كوشپەلى داۋىس بەرۋگە جاعداي جاسالعان.
ايتا كەتسەك, زاڭ تالابىنا ساي ارنايى سايلاۋ ۋچاسكەلەرى قۇرىلدى. سايلاۋ قۇقىعى بار, سايلاۋ ۋچاسكەسىنىڭ اۋماعىندا تۇراتىنىن راستاي الاتىن سايلاۋشىلار تىزىمىنە ەنگىزىلمەگەن سايلاۋشىلاردى ءتيىستى ۋچاسكەلىك سايلاۋ كوميسسياسى سايلاۋ كۇنىنە دەيىن نەمەسە سول كۇنى سايلاۋشىلار تىزىمىنە قوسۋى مۇمكىن.
