ىشكى ىستەر مينيسترلىگى شەتەلدىكتەردىڭ كوشى-قون زاڭناماسىن بۇزۋ فاكتىلەرىن انىقتاۋعا باعىتتالعان «ميگرانت» جەدەل-الدىن الۋ شاراسىنىڭ قورىتىندىسىن شىعاردى.
«كوشى-قون زاڭناماسىن بۇزعانداردى ەل اۋماعىنان شىعارۋ تۋرالى 674 سوت شەشىمى شىعارىلدى. بارلىق شىعارىلعان تۇلعالارعا بەس جىلعا قازاقستانعا كىرۋگە تىيىم سالىندى. سونىمەن قاتار ءوز ازاماتى بولىپ تابىلاتىن ەلدە قىلمىس جاساعانى ءۇشىن ىزدەۋدە جۇرگەن 22 شەتەلدىك ۇستالدى», دەپ حابارلادى ءىىم ءباسپاسوز حاتشىسى شۇعىلا تۇرلىبەك.
ول جامبىل وبلىسىندا شەكارا قىزمەتى مەن ۇقك بىرلەسىپ 2022 جىلدىڭ قاراشاسىندا قازاقستانعا زاڭسىز كىرگەن پاكىستاننىڭ توعىز ازاماتى, الماتىدا قىرعىزستان ازاماتى مەملەكەتتىك شەكارانى وتكىزۋ پۋنكتىنەن تىس جەردە زاڭسىز كەسىپ وتكەن ازامات ۇستالعانىن اتاپ ءوتتى.
سونداي-اق زاڭسىز كوشىپ كەلۋشىلەرگە باسپانا بەرگەن تۇلعالارعا قاتىستى سوتقا دەيىنگى تەرگەۋ جۇرگىزىلىپ جاتىر.
