دەنساۋلىق ساقتاۋ مينيسترلىگى سلوۆاكيا رەسپۋبليكاسى دەنساۋلىق ساقتاۋ مينيسترلىگىمەن «كوميرناتي/وميكرون» (پفايزەر) ۆاكتسيناسىنىڭ 500 مىڭنان استام دوزاسىن وتەۋسىز نەگىزدە جەتكىزۋ تۋرالى ۋاعدالاستىققا قول جەتكىزدى.
دەنساۋلىق ساقتاۋ مينيسترلىگى ءباسپاسوز قىزمەتىنىڭ حابارلاۋىنشا, ۆاكتسينا بۇگىن تۇندە قازاقستانعا كەلدى.
ءوندىرۋشىنىڭ نۇسقاۋلارىنا سايكەس, «كوميرناتي/وميكرون» ۆاكتسيناسى بۇرىن كوروناۆيرۋسقا قارسى ۆاكتسيناتسيالاۋدىڭ باستاپقى تولىق كۋرسىن العان 12 جاستان اسقان ادامداردى رەۆاكتسيناتسيالاۋ ءۇشىن عانا ۇسىنىلادى.
«كوميرناتي/وميكرون» ۆاكتسيناسى - بۇل كوروناۆيرۋس شتامىنىڭ جاڭا نۇسقالارىن ەسكەرە وتىرىپ جاڭارتىلعان جانە قۇرامىندا Omicron BA 4 جانە BA.5 سۋبۆاريانتتارى بار ۆاكتسينا. ەلگە كەلگەننەن كەيىن «كوميرناتي/وميكرون» ۆاكتسيناسى وڭىرلەر بويىنشا تاراتىلادى جانە كوروناۆيرۋس ينفەكتسياسىنا قارسى رەۆاكتسيناتسيالاۋ ءۇشىن قولجەتىمدى بولادى.
قازىرگى ۋاقىتتا قازاقستان اۋماعىندا ۆاكتسيناتسيانىڭ تولىق كۋرسىن الۋ, سونىمەن بىرگە حالىقتى رەۆاكتسيناتسيالاۋ ءۇشىن «كازۆاك» (قر), «سينوفارم» (قىتاي), «كوميرناتي» (پفايزەر, اقش) ۆاكتسينالارى بار.
