2023 جىلعى قاڭتاردا ساۋدا جانە ينتەگراتسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنىڭ پاۆلودار وبلىسى بويىنشا دەپارتامەنتى ەكىباستۇز قالاسىنىڭ پروكۋراتۋراسىمەن بىرلەسىپ, ەكىباستۇز جىلۋ-ەلەكتر ورتالىعىندا مەترولوگيا سالاسىنداعى زاڭنامالىق اكتىلەردە بەلگىلەنگەن تالاپتاردى ساقتاۋ بولىگىندە تەكسەرىس جۇرگىزىلدى.
تەكسەرۋ بارىسىندا سالىستىرىپ تەكسەرۋ ارالىعى بۇزىلعان جانە سالىستىرىپ تەكسەرۋ مەرزىمى وتكەن ولشەۋ قۇرالدارىنىڭ قولدانىلعانى انىقتالدى. مىسالى: تەحنيكالىق مانومەترلەر, قىسىم تۇرلەندىرگىشتەرى, ۆولتامپەرفازومەتر, مەگاوممەتر. ولشەم قۇرالدارىن سالىستىرىپ تەكسەرۋسىز قولدانۋ «ولشەم بىرلىگىن قامتاماسىز ەتۋ تۋرالى» قر زاڭىنىڭ 19-بابىنىڭ 1-تارماعىن بۇزۋ بولىپ سانالادى.
اتالعان زاڭبۇزۋشىلىق جول بەرىلگەنى ءۇشىن قر اقبتك-ءنىڭ 419-بابىنىڭ 1-بولىگىنىڭ 2-تارماعى بويىنشا 1600 اەك - 5 520 000 تەڭگە مولشەرىندە اكىمشىلىك ايىپپۇل سالىنادى.
ەكىباستۇز قالاسى پروكۋراتۋراسىنىڭ زاڭبۇزۋشىلىقتاردى جويۋ تۋرالى ۇسىنىسى نەگىزىندە دەپارتامەنت اكىمشىلىك قۇقىق بۇزۋشىلىق تۋرالى حاتتاما تولتىردى.
ەكىباستۇز جەو بۇزۋشىلىق جاساۋ فاكتىسىن مويىنداۋىنا بايلانىستى قر اقبتك 811-بابىنا سايكەس جەتى تاۋلىك ىشىندە قىسقارتىلعان ءىس جۇرگىزۋ تارتىبىمەن 2 760 000 تەڭگە مولشەرىندە اكىمشىلىك ايىپپۇل تولەۋ تۋرالى ۇيعارىم شىعارىلدى.
«قازىرگى ۋاقىتتا اكىمشىلىك ايىپپۇل تولىق كولەمدە تولەندى. سونداي-اق دەپارتامەنت ەكىباستۇز جەو-نا قاتىستى زاڭدى بۇزۋعا ىقپال ەتەتىن سەبەپتەر مەن جاعدايلاردى جويۋ تۋرالى جەكە ۇسىنىس شىعاردى», دەلىنگەن حابارلامادا.
