ساقتاندىرۋ سىيلىقاقىلارىنان تۇسكەن بارلىق تۇسىمدەردىڭ ىشىندە ەرىكتى جەكە ساقتاندىرۋ بويىنشا جينالعان سىيلىقاقى ۇلەسى ءتورتىنشى جىل قاتارىنان باسىم. 2022 جىلى ول 41,1%-دى قۇراسا, 2021 جىلى بۇل كورسەتكىش 47,7%-عا جەتكەنىن ايتا كەتكەن ءجون. ودان كەيىنگى ورىندا ەرىكتى م ۇلىكتىك ساقتاندىرۋ (جينالعان سىيلىقاقى ۇلەسى 33,6%-دان 37,2%-عا وسكەن) جانە مىندەتتى ساقتاندىرۋ (18,7%-دان 21,7%-عا ءوستى) تۇر. ولار بويىنشا جينالعان سىيلىقاقى كولەمى دە ءوستى: ەرىكتى مۇلىكتىك ساقتاندىرۋ بويىنشا – 22,1%-عا كوبەيسە, مىندەتتى ساقتاندىرۋ بويىنشا 28,3%-عا ارتقان.
«2022 جىلعى قاڭتار-جەلتوقساندا ەرىكتى جەكە ساقتاندىرۋ بويىنشا ساقتاندىرۋ سىيلىقاقىسىنان تۇسكەن كىرىستىڭ جارتىسىنا جۋىعى تەك ەكى كومپانيادان ءتۇستى: «حالىق-Life» وسك جانە Nomad Life وسك: تيىسىنشە 104,3 ملرد جانە 75,7 ملرد تەڭگە. ولاردان كەيىن «ەۋروپا ساقتاندىرۋ كومپانياسى» (55,2 ملرد تەڭگە), Freedom Finance Life وسك (33,6 ملرد تەڭگە) جانە «قازاقمىس» سك (15,9 ملرد تەڭگە). ەرىكتى جەكە ساقتاندىرۋ بويىنشا ءونىم ۇسىناتىن 25 ساقتاندىرۋ كومپانياسىنىڭ ىشىندە 15 ساقتاندىرۋ كومپانياسىندا جينالعان سىيلىقاقى كولەمى ۇلعايدى. ەڭ ەلەۋلى ءوسىم «ەۋروپا ساقتاندىرۋ كومپانياسىندا» (23,3 ملرد تەڭگەگە), «قازاقمىس» سك-دا (11,5 ملرد تەڭگەگە) جانە Freedom Finance Life وسك-دە (9,4 ملرد تەڭگەگە) بايقالدى. قالعان كومپانيالاردا 741 مىڭنان 4,8 ملرد تەڭگەگە دەيىن ءوستى», دەلىنگەن Ranking شولۋىندا.
بۇل رەتتە سەكتورداعى سىيلىقاقىنىڭ جالپى كولەمى 19 ملرد تەڭگەگە قىسقاردى, بۇعان ەرىكتى جەكە ساقتاندىرۋ بويىنشا نەگىزىنەن ءومىردى ساقتاندىرۋ كومپانيالارىنان (ەڭ كوپ سىيلىقاقى كولەمى بار ەكى كومپانيانى قوسقاندا) جينالعان سىيلىقاقى كولەمىنىڭ تومەندەۋى اسەر ەتتى:
سىيلىقاقى Nomad Life وسك-دە – 31,4 ملرد تەڭگەگە, Standard Life وسك-دە – 11,8 ملرد تەڭگەگە, «ەۋرازيا» وسك-دە – 11,4 ملرد تەڭگەگە جانە «حالىق-Life» وسكدە 11 ملرد تەڭگەگە ازايدى. ەرىكتى جەكە ساقتاندىرۋ بويىنشا سىيلىقاقى كولەمى 10 مىڭنان 3,8 ملرد تەڭگەگە دەيىن تومەندەگەن. بۇل ورايدا ساراپشىلار ەرىكتى جەكە ساقتاندىرۋ بويىنشا جارنالاردىڭ تومەندەۋىنە «كىنالى» فاكتور رەتىندە ەرىكتى جەكە اننۋيتەتتىك ساقتاندىرۋدان تۇسكەن تۇسىمدەردىڭ 2022 جىلعى قاڭتار-جەلتوقساندا بىردەن 46,4 ملرد تەڭگەگە نەمەسە 33,7%-عا, 91,1 ملرد تەڭگەگە دەيىن قۇلدىراپ كەتۋىن اتايدى. ءبىر جىلدا اننۋيتەتتىك ساقتاندىرۋ بويىنشا سىيلىقاقى ۇلەسى 35,4%-دان 24,7%-عا دەيىن قىسقارعان.
ايتا كەتۋ كەرەك, ءومىردى ساقتاندىرۋ كومپانيالارى عانا اننۋيتەتتىك ساقتاندىرۋدى ۇسىنادى.
«ەگەر سەگمەنتتى تولىعىراق قاراستىراتىن بولساق, اننۋيتەتتىك ساقتاندىرۋ بويىنشا سىيلىقاقىلار كولەمىنىڭ تومەندەۋى «قازاقستاندا زەينەتاقىمەن قامسىزداندىرۋ تۋرالى» زاڭعا سايكەس جاسالعان زەينەتاقى اننۋيتەتى شارتتارى بويىنشا سىيلىقاقىلاردىڭ تومەندەۋىنە بايلانىستى بولدى. كورسەتكىش ءبىر جىلدا 49 ملرد تەڭگەگە نەمەسە 37,7%-عا تومەندەپ, 2022 جىلعى قاڭتار-جەلتوقساندا نەبارى 80,9 ملرد تەڭگەنى قۇرادى. زەينەتاقى اننۋيتەتى شارتتارى بويىنشا جينالعان سىيلىقاقى كولەمىنىڭ ايتارلىقتاي تومەندەۋى Nomad Life وسك (16 ملرد تەڭگەگە), «ەۋرازيا» وسك (12,6 ملرد تەڭگەگە), «حالىق-Life» وسك (12,4 ملرد تەڭگەگە) جانە Standard Life وسك-دە (10,3 ملرد تەڭگەگە) بايقالدى», دەلىنگەن زەرتتەۋدە.
ءومىردى ساقتاندىرۋ كومپانيالارى ۇسىناتىن زەينەتاقى اننۋيتەتى شارتتارى مەرزىمىنەن بۇرىن زەينەتكە شىعۋعا جانە ونى ءومىر بويى تولەۋگە مۇمكىندىك بەرەدى. الايدا كليەنت قايتىس بولسا, وندا تولەم دە توقتاتىلادى. كليەنتتىڭ مۇراگەرى تولەمنىڭ كەپىلدىك بەرىلگەن مەرزىمىنىڭ وپتسياسى راسىمدەلگەن جاعدايدا عانا بەلگىلى ءبىر ۋاقىت ىشىندە تولەم الۋ مۇمكىندىگىنە يە بولادى. ولاي بولماعان جاعدايدا قارجى ساقتاندىرۋ كومپانياسىندا قالا بەرەدى.
