قىزىلوردادا العاش رەت تاعايىندالعان سۋديالار تانىستىرىلدى

استانا. 24 ماۋسىم. قىزىلوردا وبلىستىق سوت توراعاسى نۇرلان قايىربەكوۆتىڭ جانە وبلىس سوتتارى سۋديالارىنىڭ قاتىسۋىمەن پرەزيدەنتتىڭ 2014 جىلدىڭ 17 ماۋسىمىنداعى №839 جارلىعىمەن العاش رەت تاعايىندالعان سۋديالاردى ۇجىممەن تانىستىرۋ ءراسىمى ءوتتى. بۇل تۋرالى «قازاقپارات» حابارلادى. قىزىلوردا وبلىسىندا ونعا جۋىق سوت مامانى پرەزيدەنت جارلىعىمەن سۋديا لاۋازىمىنا لايىق دەپ تانىلدى. ناقتىلاي ايتقاندا, وبلىستىق سوت كەڭسەسى باقىلاۋ جانە قۇجات اينالىمى ءبولىمىنىڭ باسشىسى قىزمەتىندە بولعان گ.تىنىشتىقباەۆا قازالى اۋداندىق سوتىنىڭ سۋدياسى, قىزىلوردا وبلىستىق سوتىنىڭ باس مامانى قىزمەتىن اتقارعان ءا.تۇبەكباەۆا شيەلى اۋداندىق سوتىنىڭ سۋدياسى, وبلىستىق سوت كەڭسەسى پەرسونالدى باسقارۋ ءبولىمىنىڭ باسشىسى بولعان ل.الىبەكوۆا قارماقشى اۋداندىق سوتىنىڭ سۋدياسى قىزمەتىنە بەكىتىلدى. بۇدان بولەك, اۋداندىق سوتتاردا قىزمەت اتقارىپ كەلگەن قىزىلوردا قالاسىنىڭ №2 سوتىنىڭ كەڭسە مەڭگەرۋشىسى ا.ابىلقايىسقىزى قىزىلوردا وبلىسى مامانداندىرىلعان اۋدانارالىق ەكونوميكالىق سوتىنىڭ سۋدياسى, قىزىلوردا مامانداندىرىلعان اۋدانارالىق قىلمىستىق ىستەر جونىندەگى سوتتىڭ باس مامانى-سوت وتىرىسىنىڭ حاتشىسى ب.جاناباەۆ قىزىلوردا قالاسىنىڭ №2 سوتىنىڭ سۋدياسى, وبلىستىق سوت كەڭسەسىنىڭ باس مامانى ج.جولداسوۆ سىرداريا اۋداندىق سوتىنىڭ سۋدياسى, قىزىلوردا قالالىق سوتىنىڭ باس مامانى-سوت وتىرىسىنىڭ حاتشىسى ت.تەمىرباەۆ جالاعاش اۋداندىق سوتىنىڭ سۋدياسى لاۋازىمىنا تاعايىندالدى. سول سياقتى ە.احمەتوۆا, ا.سۇلتانبەكوۆ, م.يساحانوۆالار قىزىلوردا قالالىق سوتىنىڭ سۋدياسى, ال ن.ەلامانوۆ قىزىلوردا وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى بولدى. وبلىستىق سوتتىڭ توراعاسى ن.قايىربەكوۆ جاڭادان تاعايىندالعان سۋديالارعا ساتتىلىك تىلەدى. جولدىباي بازار. دەرەككوز: «قازاقپارات». فوتو: kzl.sud.kz.