سپيكەر جەتىساي جۇرتىنا پارتيانىڭ سايلاۋالدى باعدارلاماسىن تانىستىردى. «قازاقستاننىڭ ءاربىر ازاماتىنا عاسىرلار بويعى بابالارىمىزدىڭ ارمان-مۇراتىن جۇزەگە اسىرۋعا مۇمكىندىك بەرۋ قاجەت. بۇل ءۇشىن جەر تەلىمى كەيىنگى ۇرپاققا ءومىر بويى پايدالانۋ قۇقىعىمەن مۇرا رەتىندە قالۋعا ءتيىس. وسى قۇقىق ەل ازاماتتارىنا عانا بەرىلۋى كەرەك», دەدى ول.
كانديدات اگروسالانى دامىتۋداعى مەملەكەتتىڭ ءىس-قيمىلى كوڭىلدەن شىقپايتىنىن اتاپ ءوتىپ, جىلدار بويى زەرتتەلىپ, نەگىزى قالىپتاسقان كووپەراتسيا جۇيەسى الەم بويىنشا اۋىل شارۋاشىلىعىن دامىتۋداعى تابىستىڭ باستى قۇپياسى ەكەنىن مالىمدەدى.
«كوپتەگەن ەل اۋىل شارۋاشىلىعى ونىمدەرىن جەتكىزۋشىلەرمەن, قايتا وڭدەۋ كاسىپورىندارىمەن, ۋنيۆەرسيتەتتەرمەن, زەرتتەۋ ورتالىقتارىمەن, كولىك-لوگيستيكا, ينجينيرينگ جانە كونسالتينگتىك كومپانيالارمەن, قارجى ينستيتۋتتارى, ينۆەستورلارمەن شارۋاشىلىق تەحنيكاسىن بىرلەسىپ پايدالانۋ بويىنشا ىنتىماقتاستىق ورناتادى. ناتيجەسىندە, بۇل ىسكە باسا ءمان بەرگەن ەلدەردە اگروسالا ەرەكشە قارقىنمەن دامىپ جاتىر», دەدى ا.اسىلبەكوۆ.
بۇدان كەيىن كانديدات ءومىر ءسۇرۋ ساپاسى ناشارلاعان جانە زارداپ شەككەن ساناتتاعى وتباسىلاردى قولداۋ ءتيىستى دەڭگەيدە جۇرگىزىلمەيتىنىنە توقتالدى.
– مەملەكەت 4 جانە ودان دا كوپ بالاسى بار كوپبالالى وتباسىلارعا تەگىن باسپانا بەرۋى قاجەت. سونداي-اق يپوتەكانى ءۇش بالاعا دەيىنگى وتباسىلارعا قولجەتىمدى ەتۋى كەرەك. مىندەتتى شارتتاردان باستاپقى جارنانى الىپ تاستاۋدى جانە تومەندەتىلگەن پايىزدىق مولشەرلەمەلەردى (جىلدىق 2-دەن 5%-عا دەيىن) بەلگىلەۋدى ۇسىنامىز. ەكىنشى بالادان باستاپ 25%, ال 4-ءشى بالا تۋعان كەزدەن مەملەكەت ەسەبىنەن يپوتەكا ەنگىزۋدى ۇسىنامىز», دەدى پارتيا وكىلى.
سپيكەر ءدال وسى كۇنى سارىاعاشتىقتارمەن دە جۇزدەستى. مۇندا ا.اسىلبەكوۆ جاستار ماسەلەسى مەن قانداستاردىڭ جاعدايىن تىلگە تيەك ەتتى.
