تاراپتار ساۋدا, ينۆەستيتسيا تارتۋ, كولىك جانە لوگيستيكا, اۋىل شارۋاشىلىعى, تسيفرلاندىرۋ, ءبىلىم بەرۋ, تومەن كومىرتەكتى دامۋ جانە ت. ب. سالالارداعى كەڭ اۋقىمدى ماسەلەلەردى تالقىلادى.
پرەمەر-مينيستر قازاقستان فينليانديانى سولتۇستىك ەۋروپا وڭىرىندەگى جانە حالىقارالىق ۇيىمدارداعى نەگىزگى ارىپتەستەردىڭ ءبىرى دەپ تانيتىنىن اتاپ ءوتتى. وسىعان بايلانىستى ۇكىمەت بارلىق باعىتتار بويىنشا ءوزارا ءتيىمدى ىنتىماقتاستىقتى تەرەڭدەتۋگە جانە نىعايتۋعا نيەتتى.
ء«بىز ينۆەستيتسيالىق ىنتىماقتاستىقتى ارتتىرۋ مەن ءوزارا ساۋدا كولەمىن ۇلعايتۋدىڭ زور مۇمكىندىكتەرىن كورىپ وتىرمىز. وسى ورايدا ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيا ماڭىزدى ءرول اتقارادى, ول ەكى ەلدىڭ بيزنەس-توپتارى اراسىنداعى ديالوگ ءۇشىن ءتيىمدى پلاتفورما بولىپ وتىر», دەدى ءاليحان سمايىلوۆ.
وسى تۇرعىدا پرەمەر-مينيستر فينليانديانىڭ استاناداعى ەلشىلىگى جانىنداعى جاڭا ۆيزالىق ورتالىقتىڭ اشىلۋىن, سونداي-اق قازاقستاندىق جانە فين كومپانيالارىنىڭ قاتىسۋىمەن دوڭگەلەك ۇستەل وتكىزۋ جوسپارلارىن قولدادى.
سونىمەن قاتار مينيستر فين بيزنەسىنىڭ قازاقستاندىق نارىققا دەگەن قىزىعۋشىلىعىنىڭ ارتقانىن, سونداي-اق سالالىق ىنتىماقتاستىقتى, اتاپ ايتقاندا, تسيفرلاندىرۋ جانە ءبىلىم بەرۋ سالالارىنداعى ىنتىماقتاستىقتى نىعايتۋ بويىنشا الەۋەتتىڭ جوعارى ەكەنىنە توقتالدى.
كەزدەسۋ قورىتىندىسى بويىنشا تاراپتار قازاق-فين ارىپتەستىگىن كەڭەيتۋ ءۇشىن بەلسەندى تۇردە بىرلەسكەن جۇمىستى جالعاستىرۋعا دايىن ەكەندەرىن راستادى.
