«جاقىندا ءىس اسكەري پوليتسياعا بەرىلدى. تەرگەۋ ءجۇرىپ جاتىر. بۇگىن تەرگەۋشى قوڭىراۋ شالدى. ءبىز ولارعا باراتىن بولىپ كەلىستىك. ازىرگە جاڭالىق جوق. جالپى ءبارى ادەتتەگىدەي ءجۇرىپ جاتىر. ءبىز قۇقىق بۇزۋشىنىڭ اكەسىمەن كەزدەستىك. ول ۇلىنىڭ ارەكەتى ءۇشىن كەشىرىم سۇرادى. ءبىز ءوز كەزەگىمىزدە ۇلىن كەشىرمەگەنىمىزدى ايتتىق. ول زاڭ الدىندا جاۋاپ بەرۋى كەرەك. ال ءىس بارشاعا ساباق بولعان ءجون», دەدى چەرنوۆا.
ەسكە سالايىق, ءبىر اپتا بۇرىن الماتىدا بەلگىلى زاڭگەر سوققىعا جىعىلعان بولاتىن. وقيعا تۋرالى جابىرلەنۋشى ولەگ چەرنوۆتىڭ ايەلى, زاڭگەر اننا چەرنوۆا ايتتى. ول دا سول جەردە بولعان جانە جاراقات العان.
الماتى پد بۇل دەرەك قر قىلمىستىق كودەكستىڭ 293-بابى «بۇزاقىلىق» بويىنشا سوتالدى تەرگەۋدىڭ بىرىڭعاي تىزىلىمىنە تىركەلگەنىن حابارلادى. قىلمىستىق ءىس بويىنشا العاشقى تەرگەۋ ارەكەتتەرى جۇرگىزىلىپ, ساراپتامالار تاعايىندالعان بولاتىن.
