ءوڭىر باسشىسى اۋىستى

كەشە قازاقستان پرەزيدەنتى اكىمشىلىگىنىڭ باسشىسى نۇرلان نىعماتۋلين جۇمىس ساپارىمەن قاراعاندىدا بولدى. وبلىس­تىق ءماسليحاتتىڭ كەزەكتەن تىس ححV سەسسياسىنا قاتىسقان ن.نىع­ما­تۋلين دەپۋتاتتارعا قازاقستان رەس­پۋب­ليكاسىنىڭ پرەزيدەنتى ن.ءا.نا­زار­باەۆتىڭ نۇرمۇحامبەت قاناپيا ۇلى ابدىبەكوۆتىڭ ءوڭىر باسشىسى لاۋازىمىنا كاندي­داتۋراسىن ۇسىنۋ تۋرالى حاتىن وقىپ بەردى. حالىق قالاۋ­لىلارى ەلباسى ۇسىنىسىن ءبىراۋىزدان قولداپ, داۋىس بەردى. سەسسيادان كەيىن وبلىس اكتيۆى ءوتتى. پرەزيدەنت اكىمشىلىگىنىڭ باس­شىسى وعان قاتىسۋشىلاردى پرە­زيدەنت جارلىعىمەن تاعايىن­دالعان وبلىستىڭ جاڭا اكىمىمەن تانىستىردى. «نۇرمۇحامبەت قا­ناپيا ۇلى – بىرقاتار مەملەكەتتىك جاۋ­اپتى قىزمەتتەر اتقارعان بىلىكتى, تاجىريبەسى مول مامان. ول ەلىمىزدىڭ ۇدەمەلى يندۋس­تريا­لىق-يننوۆاتسيالىق دامۋ باع­دارلاماسىن ىسكە اسىرۋداعى ۇيىم­داستىرۋشىلىق قىزمەتتە ءوزىنىڭ قارىم-قابىلەتىن تانىتا الدى. ماماندىعى كەنشى-ينجە­نەر رەتىندە ونەركاسىپ سالاسىن جاقسى بىلەدى. بۇعان دەيىن اقتوبە وبلىسى اكىمىنىڭ ءبىرىنشى ورىنباسارى مىندەتىن اتقاردى. وزىنە دە, وزگەگە دە تالاپشىل», دەدى ن.نىعماتۋلين. وبلىستىڭ بۇرىنعى اكىمى باۋىرجان ابدىشەۆتىڭ ءوز ەركىمەن قىزمەتىنەن بوساتۋ جونىندەگى ءوتىنىشىن پرەزيدەنتتىڭ قابىل العا­نىن جەتكىزدى. اكتيۆ جيىنىندا ءسوز العان اي­ماقتىڭ جاڭا باسشىسى نۇر­مۇ­حامبەت ابدىبەكوۆ ەلباسى سەنىمىن اقتاۋعا, ايماقتىڭ ەكونوميكاسىن ودان ءارى دامىتۋعا كۇش-جىگەرى مەن ءبىلىمىن ايانباي جۇمسايتىنىنا سەندىردى. ايقىن نەسىپباي, «ەگەمەن قازاقستان». قاراعاندى.