كۋاگەرلەردىڭ ايتۋىنشا, 19 اقپاندا التاي اۋدانى وكتيابر اۋىلىنىڭ ماڭىندا «قىزعىلت بۇلت» بايقالعان. ءدال وسىنداي قۇبىلىس وتكەن جىلدىڭ جەلتوقسان ايىندا دا بولعان.
«ەكولوگ ماماندار ءتيىستى زەرتتەۋ جۇمىستارىن جۇرگىزگەن. تەكسەرىس ناتيجەسى بويىنشا «قىزعىلت بۇلتتىڭ» پايدا بولۋىنا «بۇقتىرما تسەمەنت كومپانياسى» جشس-ءنىڭ ساز كارەرىندەگى بۇرعىلاۋ جانە جارۋ جۇمىستارى سەبەپ بولعانى انىقتالدى. بۇل جونىندە تاعى ماسەلە تۋىنداسا, دەپارتامەنت قايتا تەكسەرۋگە دايىن», دەپ ءتۇسىندىردى شقو بويىنشا ەكولوگيا دەپارتامەنتى باسشىسىنىڭ ورىنباسارى راۋان تۇراروۆ.
