ەۋرازيالىق ەكونوميكالىق وداق ءوزىنىڭ تيىمدىلىگىن كورسەتە باستادى. ونى جۋىردا جۇمىسىن قايتا باستاعان شىمكەنت قالاسىنداعى «كاردانۆال» اق-تىڭ مىسالىنان بايقاۋعا بولادى. 50 جىلدان استام ۋاقىت مينسك تراكتور زاۋىتىن كاردان بىلىگى جانە كرەستوۆينامەن قامتاماسىز ەتىپ كەلگەن كاسىپورىن سوڭعى ءۇش جىلدا ءوندىرىسى توقتاپ, ەندى قايتادان ىسكە كىرىستى.
زاۋىت جۇمىسىنىڭ جۇرمەي قالۋىنىڭ سەبەبى, بەلارۋس مەملەكەتى يمپورت الماستىرۋ باعدارلاماسىنا سايكەس, وزىندە بولشەك شىعاراتىن كاسىپورىن سالىپ, «كاردانۆال» اق-تىڭ ونىمىنە سۇرانىستى توقتاتتى. الايدا, وقو كاسىپكەرلەر پالاتاسىنىڭ كومەگىمەن زاۋىت باسشىلىعى جۋىردا يندۋستريا جانە جاڭا تەحنولوگيالار ءبىرىنشى ۆيتسە-ءمينيسترى ا.راۋمەن جۇزدەسكەن. ول بەلارۋس رەسپۋبليكاسىنىڭ ونەركاسىپ مينيسترىمەن تىكەلەي حابارلاسىپ, كەزدەسۋ ۇيىمداستىرىپ بەرگەن. ءسويتىپ, قازاقستان جانە بەلارۋس مەملەكەتتەرى اراسىنداعى ۇكىمەتارالىق كوميسسيانىڭ حاتتاماسىنا سايكەس, بۇل ماسەلە وتكەن ايدا ءوز شەشىمىن تاپتى.
«كاردانۆال» اق پرەزيدەنتى جولشىبەك سيقىمباەۆتىڭ ايتۋىنشا, كاسىپورىن بيىلشا «متز-82» تراكتورىنا 30 مىڭ كاردان بىلىكتەرىن جاساپ بەرەتىن بولىپ كەلىسىپتى. ودان تۇسەتىن پايدا 150 ميلليون تەڭگەنى قۇراماق. ال «بيىلشا» دەگەن سەبەبىمىز, ۇجىم الداعى ۋاقىتتا مينسك تراكتور زاۋىتىمەن ۇزاق مەرزىمدى كەلىسىمشارت جاساسىپ, ءونىم كولەمىن ۇلعايتۋدى جوسپارلاپ وتىر. سونىمەن بىرگە, كەلەشەكتە «متز-82»-دەن بولەك 35 ءتۇرلى اتاۋمەن شىعارىلىپ جاتقان وزگە دە «بەلارۋس» تراكتورلارىنىڭ بولشەگىن جاساماقشى.
كەزىندە «كاردانۆال» اق-تىڭ وندىرىستىك قۋاتى جىلىنا 200 مىڭ دانا كاردان بىلىگى مەن كرەستوۆينانى قۇراعان ەكەن. ول سونىڭ ارقاسىندا بۇكىل رەسەي نارىعىن دا اتالعان بولشەكتەرمەن قامتاماسىز ەتكەن. ەندىگى رەتتە, ەكونوميكالىق وداقتىڭ اياسىندا ءارى بۇرىنعى نارىقتى وزىنە قايتا قاراتۋ ماقساتىندا ونىمدەرىن رەسەيدىڭ ساۋدا ۇيلەرىنە جونەلتۋدى قاراستىرىپ جاتىر.
بۇگىندە كاسىپورىندا قىرىققا جۋىق ادام ىستەيدى. كوپشىلىگى زەينەتكەرلىك جاسقا كەلىپ قالعان بۇرىنعى قىزمەتكەرلەر. سەبەبى, جاستار مۇندا كوپ تۇراقتامايدى ەكەن. زاۋىت باسشىسىنىڭ ايتۋىنشا, بۇل بۇگىنگى تاڭدا كاسىپورىن ءۇشىن ناعىز پروبلەماعا اينالىپ وتىر. دەگەنمەن, ءوندىرىس كولەمىنىڭ ارتۋىنا قاراي, الداعى ۋاقىتتا جاڭادان 120 جۇمىس ورنىن اشۋ كوزدەلۋدە.
ءانۋار جۇماشباەۆ.
وڭتۇستىك قازاقستان وبلىسى.
زاۋىت جۇمىسىنىڭ جۇرمەي قالۋىنىڭ سەبەبى, بەلارۋس مەملەكەتى يمپورت الماستىرۋ باعدارلاماسىنا سايكەس, وزىندە بولشەك شىعاراتىن كاسىپورىن سالىپ, «كاردانۆال» اق-تىڭ ونىمىنە سۇرانىستى توقتاتتى. الايدا, وقو كاسىپكەرلەر پالاتاسىنىڭ كومەگىمەن زاۋىت باسشىلىعى جۋىردا يندۋستريا جانە جاڭا تەحنولوگيالار ءبىرىنشى ۆيتسە-ءمينيسترى ا.راۋمەن جۇزدەسكەن. ول بەلارۋس رەسپۋبليكاسىنىڭ ونەركاسىپ مينيسترىمەن تىكەلەي حابارلاسىپ, كەزدەسۋ ۇيىمداستىرىپ بەرگەن. ءسويتىپ, قازاقستان جانە بەلارۋس مەملەكەتتەرى اراسىنداعى ۇكىمەتارالىق كوميسسيانىڭ حاتتاماسىنا سايكەس, بۇل ماسەلە وتكەن ايدا ءوز شەشىمىن تاپتى.
«كاردانۆال» اق پرەزيدەنتى جولشىبەك سيقىمباەۆتىڭ ايتۋىنشا, كاسىپورىن بيىلشا «متز-82» تراكتورىنا 30 مىڭ كاردان بىلىكتەرىن جاساپ بەرەتىن بولىپ كەلىسىپتى. ودان تۇسەتىن پايدا 150 ميلليون تەڭگەنى قۇراماق. ال «بيىلشا» دەگەن سەبەبىمىز, ۇجىم الداعى ۋاقىتتا مينسك تراكتور زاۋىتىمەن ۇزاق مەرزىمدى كەلىسىمشارت جاساسىپ, ءونىم كولەمىن ۇلعايتۋدى جوسپارلاپ وتىر. سونىمەن بىرگە, كەلەشەكتە «متز-82»-دەن بولەك 35 ءتۇرلى اتاۋمەن شىعارىلىپ جاتقان وزگە دە «بەلارۋس» تراكتورلارىنىڭ بولشەگىن جاساماقشى.
كەزىندە «كاردانۆال» اق-تىڭ وندىرىستىك قۋاتى جىلىنا 200 مىڭ دانا كاردان بىلىگى مەن كرەستوۆينانى قۇراعان ەكەن. ول سونىڭ ارقاسىندا بۇكىل رەسەي نارىعىن دا اتالعان بولشەكتەرمەن قامتاماسىز ەتكەن. ەندىگى رەتتە, ەكونوميكالىق وداقتىڭ اياسىندا ءارى بۇرىنعى نارىقتى وزىنە قايتا قاراتۋ ماقساتىندا ونىمدەرىن رەسەيدىڭ ساۋدا ۇيلەرىنە جونەلتۋدى قاراستىرىپ جاتىر.
بۇگىندە كاسىپورىندا قىرىققا جۋىق ادام ىستەيدى. كوپشىلىگى زەينەتكەرلىك جاسقا كەلىپ قالعان بۇرىنعى قىزمەتكەرلەر. سەبەبى, جاستار مۇندا كوپ تۇراقتامايدى ەكەن. زاۋىت باسشىسىنىڭ ايتۋىنشا, بۇل بۇگىنگى تاڭدا كاسىپورىن ءۇشىن ناعىز پروبلەماعا اينالىپ وتىر. دەگەنمەن, ءوندىرىس كولەمىنىڭ ارتۋىنا قاراي, الداعى ۋاقىتتا جاڭادان 120 جۇمىس ورنىن اشۋ كوزدەلۋدە.
ءانۋار جۇماشباەۆ.
وڭتۇستىك قازاقستان وبلىسى.
