ەل پرەزيدەنتى قاسىم-جومارت توقاەۆ حالىققا جولداۋىندا: «قوعامدى ۇيىستىرۋ, ۇلتتىق بىرەگەيلىكتى نىعايتۋ ىسىندە ەلىمىزدىڭ تاريحي مۇراسىن جانە مادەني الەۋەتىن ءتيىمدى پايدالانۋعا باسا ءمان بەرىلەدى» دەگەن بولاتىن. ونەر ادامدارىنىڭ ۇلتتىق مادەنيەتتى ىلگەرىلەتۋ جولىندا ماڭىزدى ءرول اتقاراتىنى ءمالىم. وسى ماقساتتا اتالعان شىعارماشىلىق ۇجىم وتكەن جىلى جاڭا قۇرىلعان اباي, ۇلىتاۋ, جەتىسۋ وبلىستارىنا, قىزىلوردا وبلىسىنا, پاۆلودار, قاراعاندى, الماتى, پەتروپاۆل قالالارىنا بارىپ 17 مىڭ شاقىرىمداي جول ءجۇرىپ, قالالار مەن اۋىلداردا, شامامەن 50 مىڭعا جۋىق كورەرمەنگە ونەر كورسەتتى.
«مەملەكەت باسشىسى قاسىم-جومارت توقاەۆتىڭ ەلىمىزدەگى مونوقالالاردى جان-جاقتى دامىتۋعا باعىتتالعان تاپسىرمالارىنا سايكەس, «ەل بىرلىگى – جاڭا قازاقستان» جوباسى بيىل قايتادان جالعاسىن تاۋىپ, ماڭعىستاۋ, اتىراۋ, باتىس قازاقستان, اقتوبە جانە قوستاناي وبلىستارىندا ۇيىمداستىرىلادى», – دەدى اقتوتى رايىمقۇلوۆا.
سونداي-اق ول اتالعان جوبا اياسىندا 2025 جىلعا دەيىن 28 اۋدان, 29 مونوقالا, 20 وبلىس ورتالىعىنىڭ تۇرعىندارى كەزەڭ-كەزەڭمەن قامتىلاتىنىن, جالپى العاندا, بيىل 3 رەسپۋبليكالىق جوبا مەن 5 باعىت بويىنشا گاسترولدىك ساپار جوسپارلانىپ وتىرعانىن ايتتى.
مەكەمە باسشىسى اتاپ وتكەندەي, 1 ناۋرىزدا «قازاقكونتسەرت» ۇجىمىنىڭ ۇيىمداستىرۋىمەن جاڭا قۇرامداعى «گۇلدەر» ءانسامبلىنىڭ تۇساۋكەسەر-كونتسەرتى وتەدى. جوباعا دايىندىق كەزىندە «گۇلدەر» ءانسامبلىنىڭ مۇراعاتتىق ماتەريالدارى مۇقيات زەردەلەنىپ, توپتىڭ «التىن قورىنان» ەڭ ۇزدىك نومىرلەر ىرىكتەلىپ الىندى. ايتۋلى كەشكە ءانسامبلدىڭ العاشقى سوليستەرىنىڭ ءبىرى, قازاقستاننىڭ حالىق ءارتىسى روزا رىمباەۆا, جاس انشىلەر ءمادي سىزدىقوۆ, زارينا بوجاكوۆا, ديدار ابدىحالىق, سالتانات مەڭدىعاليەۆا, «Turan» فولكلورلى-ەتنوگرافيالىق ءانسامبلى مەن «Steppe Sons» التەرناتيۆ-فولك توبى قاتىسادى.
ايتا كەتەيىك, وتكەن جىلدىڭ تامىز ايىندا «روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمى اتى اڭىزعا اينالعان شىعارماشىلىق ۇجىم «گۇلدەر» ءانسامبلىن جاڭعىرتۋ جوباسىن قولعا العان ەدى. وسى ماقساتتا ۇجىمعا شىعارماشىلىق وقۋ ورىندارىنىڭ تۇلەكتەرى الىندى. تاجىريبەلى تالىمگەرلەر – باس بالەتمەيستەر انۆارا سادىقوۆا جانە جوبانىڭ كوركەمدىك جەتەكشىسى ءارى ديريجەرى سەرىك داۋلەتوۆ شاقىرىلدى.
«جالپى العاندا بيىل 5 حالىقارالىق جانە 3 رەسپۋبليكالىق, 8 باعىتتاعى شەت مەملەكەتكە جانە 5 باعىت بويىنشا رەسپۋبليكالىق گاسترولدىك ساپار جوسپارلانىپ, سوليستەر مەن شىعارماشىلىق ۇجىمداردىڭ كونتسەرتتەرى وتەدى. 2023-2024 ج.ج. اقش, فرانتسيا, گەرمانيا, شۆەيتساريا, بەلگيا, اۋستريا, حورۆاتيا, سلوۆەنيا, ماجارستان, وڭتۇستىك كورەيا, قحر, وزبەكستان, قىرعىزستان جانە ت.ب. ەلدەردە حالىقارالىق ءىس-شارالار ۇيىمداستىرىلادى», دەدى سپيكەر.
سونداي-اق 23 اقپان كۇنى «قازاقكونتسەرتتىڭ» سوليستەرى «تuran» فولكلورلى-ەتنوگرافيالىق ءانسامبلى ارنايى الماتى جۇرتشىلىعى ءۇشىن «Folk & symphony» جوباسىن ۇسىنادى. اتالمىش كەش ءانسامبلدىڭ 15 جىلدىق مەرەكەسىنە وراي ۇيىمداستىرىلعان العاشقى كونتسەرتى بولماق.
«بيىل «Alem saz» II حالىقارالىق مۋزىكا فەستيۆالى وتەدى. ءىس-شارانىڭ ماقساتى – ۇلتتىق مادەنيەتتەردى بىرىكتىرۋ, ساقتاۋ جانە دامىتۋ, ءارتۇرلى ەلدەردىڭ تاريحي مۇراسى مەن مادەني قۇندىلىقتارىمەن تانىسۋ. بىلتىر فەستيۆال جوعارى دەڭگەيدە ءوتىپ, جوباعا 7 ەلدىڭ تانىمال مۋزىكانتتارى كەلدى. ال بيىل 16 ەل قاتىسۋعا نيەت ءبىلدىرىپ وتىر ء(ۇندىستان, يسپانيا, گەرمانيا, وڭتۇستىك كورەيا, رەسەي, بەلارۋس, يتاليا, ماروككو, يندونەزيا, فرانتسيا, قىرعىزستان, ارمەنيا, كۋبا, ازەربايجان, وزبەكستان). فەستيۆالدىڭ ءار كۇنىندە شەتەلدىك ارتىستەر ونەر كورسەتىپ, كينو-كورسەتىلىمدەر, ساندىك-قولدانبالى ونەر كورمەسى مەن شەبەرلىك سىنىپتار ۇيىمداستىرىلماق», دەدى مەكەمەنىڭ كوركەمدىك جەتەكشىسى تيمۋر ۋرمانچەەۆ.
بۇدان بولەك ول ايگىلى كومپوزيتور ءشامشى قالداياقوۆتىڭ شىعارماشىلىق مۇراسىن ناسيحاتتاۋ ماقساتىندا حالىقارالىق مۋزىكا فەستيۆالىن وتكىزۋ جوسپارلانىپ وتىرعانىن ايتتى. ال «Forte Trio» مەملەكەتتىك تريوسى الەمنىڭ بەدەلدى ساحنالارىندا, اقش, مەكسيكا, ۇلىبريتانيا, فرانتسيا, ليۋكسەمبۋرگ, يتاليا, گەرمانيا جانە ت.ب. كوپتەگەن ەلدەردە تۇراقتى تۇردە ونەر كورسەتىپ تۇرماق.
اتالعان ۇجىم بۇعان دەيىن « ۇلىلارعا تاعزىم» اتتى جوباسى اياسىندا كورنەكتى جازۋشىلار مۇحتار اۋەزوۆتىڭ, عابيت مۇسىرەپوۆتىڭ, كومپوزيتورلار عازيزا جۇبانوۆانىڭ, ەركەعالي راحماديەۆتىڭ, جەزتاڭداي انشىلەر كۇلاش بايسەيىتوۆانىڭ, روزا باعلانوۆانىڭ, جازۋشى اقسەلەۋ سەيدىمبەكتىڭ مەرەيتويلارىنا وراي ارنايى مەرەكەلىك ءىس-شارالار كورەرمەندەر نازارىنا ۇسىنىلعان بولاتىن. يگى جوبا بيىل دا جالعاسادى. قازاق ونەرىنىڭ تاۋ-تۇلعالارى ىقىلاس دۇكەن ۇلى, اقان سەرى, امىرە, قۇرمانعازى, تەمىربەك جۇرگەنوۆتىڭ شىعارماشىلىعىنا ارنالعان مادەني ءىس-شارالار ۇيىمداستىرىلماق.
ودان بولەك قازاقستاننىڭ بۇگىنگى ونەردىڭ شوق جۇلدىزدارى التىنبەك قورازباەۆ, ايمان مۇساقوجاەۆا, روزا رىمباەۆا, تولەگەن مۇحامەدجانوۆ, ەركەش شاكەەۆتىڭ شىعارماشىلىقتارىنا ارنالعان جەكە كونتسەرتتەرى دە جوسپارلانىپ وتىر.
سونداي-اق جىل سوڭىنا قاراي تۇركىتىلدەس ەلدەردىڭ فولكلور ونەرىن ناسيحاتتاۋ, مۋلتي-مادەني كەڭىستىك قۇرۋ, ەلدەر اراسىنداعى مادەني بايلانىستاردى نىعايتۋعا بايلانىستى «كوشپەلىلەر اۋەنى» اتتى حالىقارالىق فولكلورلىق مۋزىكا فەستيۆالى جوسپارلانعان. اتالمىش ءىس-شاراعا 10-نان استام تۇركىتىلدەس ەلدىڭ جانە وتاندىق فولكلورلىق-ەتنوگرافيالىق انسامبلدەر قاتىسادى.
«قازاقكونتسەرتتىڭ» ەرەكشە كوڭىل ءبولىپ وتكىزەتىن جوبالارىنىڭ ءبىرى «ارمان اسۋلارى» رەسپۋبليكالىق فەستيۆالى ەدى. وتكەن جىلى مۇمكىندىگى شەكتەۋلى دارىندى بالالار اراسىنداعى تالانتتاردى انىقتاۋ, شىعارماشىلىق قابىلەتتەرىن ارتتىرۋ مەن دامىتۋعا قاجەتتى جاعداي جاساپ, ۇجىمنىڭ ونەر جۇلدىزدارىمەن بىرگە ونەر كورسەتۋ ماقساتىندا وتكىزىلگەن جوبا بولاتىن. فەستيۆال بيىل دا وتكىزىلەدى.
بۇعان قوسا «قازاقكونتسەرتتەگى دجاز كەشتەرى» اتتى جاڭا كونتسەرتتىك باعدارلاما ۇيىمداستىرىلىپ, كورەرمەندەردىڭ سۇيىسپەنشىلىگىنە بولەنگەنىن دە ايتا الامىز. وسىعان وراي بيىل حالىقارالىق دجاز فەستيۆالىن وتكىزۋ جوسپاردا بار. وعان شەتەلدىك جانە وتاندىق سوليستەر, انسامبلدەر, وركەسترلەر مەن ەتنو-دجاز ۇجىمدارى قاتىسادى.
