«جىل سايىن دارىلىك زاتتاردى ساراپتاۋ ۇلتتىق ورتالىعى دارىلىك زاتتارعا 6 مىڭعا جۋىق ساراپتاما جانە مەديتسينالىق بۇيىمدارعا 5 مىڭعا جۋىق ساراپتاما جۇرگىزەدى. جاقىندا كورشىلەس وزبەكستاندا ەتيلەنگليكولدىڭ جوعارى دوزاسى بار جانە تەرىس سالدارعا اكەپ سوقتىرعان دارىلىك پرەپارات بويىنشا بولعان وقيعا ولاردى نارىققا جىبەرۋ كەزىندە مەملەكەت تاراپىنان قاتاڭ باقىلاۋ قاجەتتىگىن تاعى دا راستايدى», دەپ اتاپ ءوتتى ۆيتسە-مينيستر.
ول سوڭعى 4 جىلدا دەنساۋلىق ساقتاۋ مينيسترلىگى تىركەۋدەن باس تارتقانىن جانە قۇرامىندا ەتيلەنگليكولدىڭ جوعارى دوزاسى بار ءارتۇرلى وندىرۋشىلەردىڭ 10 دارىلىك پرەپاراتىن نارىققا جىبەرمەگەنىن ايتتى.
ج. بۇركىتباەۆتىڭ ايتۋىنشا, ۇلتتىق تىركەۋ تالاپتارى ەۋرازەق تالاپتارىنا جانە حالىقارالىق نورمالارعا تولىق سايكەس كەلتىرىلگەن, بۇل قازاقستاندىق نارىقتا دارىلىك زاتتار مەن مەديتسينالىق بۇيىمداردىڭ كۇماندى ساپادا پايدا بولۋ قاۋپىن ءىس جۇزىندە جويادى.
بۇگىندە رەسپۋبليكادا 7,5 مىڭعا جۋىق دارىلىك پرەپارات پەن 11 مىڭنان استام مەديتسينالىق بۇيىم تىركەلگەن.
دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق قىزمەت كوميتەتى وتكەن جىلى دارىلىك زاتتاردىڭ بولشەك ساۋدا نارىعىنا 2,7 مىڭنان استام تەكسەرۋ جۇرگىزدى, ونىڭ قورىتىندىسى بويىنشا 579 اكىمشىلىك حاتتاما جاسالىپ, 90 ملن تەڭگەدەن استام سوماعا ايىپپۇل سالىندى.
ونىڭ ايتۋىنشا, بۇل رەتتە 66,5 ملن تەڭگە سوماعا ايىپپۇل سالۋمەن دارىلىك زاتتاردى زاڭسىز وتكىزۋدىڭ 588 فاكتىسى انىقتالدى, زاڭسىز اينالىمنان 10 ملن استام دارىلىك زات پەن مەديتسينالىق بۇيىم قاپتاماسى الىندى.
«تىركەلگەن دارىلىك زاتتار مەن مەديتسينالىق بۇيىمداردى باقىلاۋ شەڭبەرىندە ولاردىڭ ساپاسىنا باعالاۋ جۇرگىزىلەدى. وسىلايشا, جىل سايىن ۇلتتىق ساراپتاما ورتالىعى ساپانى باعالاۋ كەزىندە دارىلىك زاتتار مەن مەديتسينالىق بۇيىمدارعا 100 مىڭعا جۋىق سايكەستىك سەرتيفيكاتىن, سونداي - اق 2000-عا جۋىق تەرىس قورىتىندى بەرەدى, بۇل ساپانى باعالاۋدىڭ جالپى سانىنىڭ 0,2% -ىن قۇرايدى», دەپ اتاپ ءوتتى ج. بۇركىتباەۆ.
