«قازىر قازاقستان تجم قۇتقارۋشىلارى ءتورت ۋچاسكەدە اۆاريالىق-قۇتقارۋ جۇمىستارىن جۇرگىزىپ جاتىر. قازاقستان تجم قۇتقارۋشىلارى ءتورت ادامدى قۇتقارىپ, مەديتسينا قىزمەتكەرلەرىنە تاپسىردى. قايتىس بولعان 12 ادامنىڭ, ونىڭ ىشىندە ءبىر بالانىڭ دەنەسى ءۇيىندى استىنان شىعارىلدى», دەلىنگەن حابارلامادا.
گازيانتەپ قالاسى ءبىرىنشى ەشەلوننىڭ جۇمىس جۇرگىزۋ اۋدانى بولىپ بەلگىلەندى. مۇندا جۇمىستار تاۋلىك بويى ەكى اۋىسىمدا ءۇش ۋچاسكەدە جۇرگىزىلىپ جاتىر.
قۇتقارۋشىلاردىڭ ءبىرىنشى توبى توعىز قاباتتى عيماراتتا جۇمىس جۇرگىزۋدە. عيمارات تولىعىمەن قيراعان, كينولوگيالىق ەسەپتوپتار بارلاۋ جانە ۇيىندىلەردىڭ اراسىنان ادامداردى ىزدەۋ جۇمىستارىن جۇرگىزىپ جاتىر. بۇل جەردە ۇيىندىلەردىڭ استىنان 4 ادام قۇتقارىلدى, 4 قازا تاپقان ايەلدىڭ دەنەسى شىعارىلدى. جۇمىستار تۇركيا قۇتقارۋشىلارىمەن بىرلەسىپ جۇرگىزىلىپ جاتىر. قازاقستان تجم اپاتتار مەديتسيناسى ورتالىعىنىڭ دارىگەرلەرى زارداپ شەككەن ادامدارعا العاشقى مەديتسينالىق كومەك كورسەتۋدە.
قۇتقارۋشىلاردىڭ ەكىنشى توبى التى قاباتتى عيماراتتا جۇمىس جۇرگىزىپ جاتىر. عيمارات ءىشىنارا قيراعان, اپاتتى, قيراۋ ديناميكاسى بايقالادى, تۇراقسىز قۇرىلىمدارعا بايلانىستى عيماراتتاردىڭ تولىق قيراۋ قاۋپى بار. كينولوگيالىق ەسەپتەۋلەرمەن بارلاۋ جانە ۇيىندىلەردى تالداۋ جۇرگىزىلەدى, قازا تاپقان 5 ايەلدىڭ دەنەسى شىعارىلدى. جۇمىستار تۇركيا قۇتقارۋشىلارىمەن بىرلەسىپ اتقارىلىپ جاتىر.
ءۇشىنشى توپ تا التى قاباتتى عيماراتتا جۇمىس ىستەپ ءجۇر. عيمارات تولىعىمەن قيراعان. بارلاۋ جانە ۇيىندىلەردىڭ اراسىنان ادامداردى ىزدەۋ جۇمىستارى جۇرگىزىلۋدە, قايتىس بولعان ايەلدىڭ دەنەسى شىعارىلدى.
قۇتقارۋشىلاردىڭ ءتورتىنشى توبى گازيانتەپ قالاسىنان 69 شاقىرىم جەردە ورنالاسقان نۋرداگى ەلدى مەكەنىندەگى جەتى قاباتتى عيماراتتا جۇمىس جۇرگىزۋدە. عيمارات تولىعىمەن قيراعان. كينولوگيالىق ەسەپتوپتار بارلاۋ جانە ۇيىندىلەردىڭ اراسىنان ادامداردى ىزدەۋ جۇمىستارى جۇرگىزىلۋدە.
مەملەكەت باسشىسىنىڭ تاپسىرماسى بويىنشا حاتاي ەلدى مەكەنىنە قۇتقارۋشىلار توبى جانە كينولوگيالىق ەسەپتوپتار جىبەرىلدى. ىزدەۋ وبەكتىسى - تولىعىمەن قيراعان التى قاباتتى ءۇي, ءۇيىندىنىڭ كولەمى 18 مىڭ م3 اسادى.
قۇتقارۋشىلاردىڭ جۇمىسى كوپتەگەن ۇيىندىلەرمەن, تۇراقسىز قۇرىلىمدارمەن كۇردەلەنە تۇسەدى. قازاقستاندىق قۇتقارۋشىلار بارىنشا ءتيىمدى جۇمىس ىستەپ جاتىر.
قازىرگى ۋاقىتتا وسى وبەكتىدە ءۇيىندىنىڭ استىنان قايتىس بولعان ءۇش ادامنىڭ دەنەسى شىعارىلدى, ونىڭ ءبىرى – قازاقستان ازاماتى, ەكەۋى – تۇركيا ازاماتى.
