ارشالى اۋدانىنا جاڭا اكىم بەكىتىلدى

استانا. 18 ماۋسىم. اقمولا وبلىسىنىڭ اكىمى سەرگەي كۋلاگيننىڭ وكىمىمەن جانە اۋداندىق ءماسليحات دەپۋتاتتارى كەلىسىمىنىڭ كەزەكتى سەسسياسىندا جومارت نۇركەنوۆ ارشالى اۋدانىنىڭ اكىمى بولىپ تاعايىندالدى. بۇل تۋرالى «قازاقپارات» حابارلادى. جومارت جۇماعالي ۇلى 1974 جىلى تۋعان, اقمولا اگرارلىق ۋنيۆەرسيتەتىن جانە ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن بىتىرگەن. ەڭبەك جولىن 1996 جىلى «كونستانتينوۆسكي» وندىرىستىك كووپەراتيۆىنىڭ مال دارىگەرى بولىپ باستادى. 1998 جىلعى قاراشادان بەرى اۋىل شارۋاشىلىعى مينيسترلىگى تسەلينوگراد اۋداندىق اۋماقتىق باسقارماسى ۆەتەرينارلىق باقىلاۋ ءبولىمىنىڭ مەڭگەرۋشىسى, باس مەملەكەتتىك ۆەتەرينارلىق ينسپەكتورى, كەيىن باسقارما باستىعىنىڭ ورىنباسارى قىزمەتتەرىن اتقاردى. 2002 جىلعى ساۋىردە اۋىل شارۋاشىلىعى مينيسترلىگى اقمولا وبلىستىق اۋماقتىق باسقارماسى ۆەتەرينارلىق باقىلاۋ ءبولىمىنىڭ باستىعى لاۋازىمىنا اۋىستى. اۋىل شارۋاشىلىعى مينيسترلىگى اقمولا وبلىستىق اۋماقتىق باسقارماسى باستىعىنىڭ ورىنباسارى, باستىعى لاۋازىمدارىنا كوتەرىلدى. 2012 جىلعى اقپان مەن 2013 جىلعى ماۋسىم ارالىعىندا اقمولا وبلىسى اۋىل شارۋاشىلىعى باسقارماسىنىڭ باستىعى قىزمەتىن اتقاردى. ال 2013 جىلعى ماۋسىمنان باستاپ وسى تاعايىنداۋعا دەيىن اتباسار اۋدانىنىڭ اكىمى بولدى. جولدىباي بازار. دەرەككوز: «قازاقپارات». فوتو: «قازاقپارات».