بۇگىن تاڭەرتەڭ قازاقستاننان قۇتقارۋشىلار مەن مەديتسينا قىزمەتكەرلەرىنەن جاساقتالعان 41 ادام ءزىلزالا سالدارىن جويۋعا كومەكتەسۋ ءۇشىن تۇركياعا اتتاندى.
تجم قۇتقارۋشىلارىنىڭ يەلىگىندە گيدراۆليكالىق جانە پنەۆماتيكالىق جابدىقتار, گيدراۆليكالىق دومكراتتار, پنەۆمودومكراتتار, پەرفوراتورلار, جارىقتاندىرۋ قۇرالدارى, پالاتكالار, سپۋتنيكتىك تەرمينال, كاركاستى مودۋل, اۆتوتەحنيكا بار.
تۇركياعا اتتانعان ارنايى توپ قاجەتتى جابدىقتارمەن دە, قۇتقارۋ جۇمىستارىن جۇرگىزۋدە كوپ جىلدىق تاجىريبەسى بار قۇتقارۋشىلارمەن دە جابدىقتالعان.
ءتيىستى تاپسىرمانى قازاقستان پرەزيدەنتى قاسىم-جومارت توقاەۆ بەردى. جاساق قۇرامىندا قازاقستان تجم قۇتقارۋشىلارى, كينولوگيالىق ەسەپتەر جانە اپاتتار مەديتسيناسى ورتالىعىنىڭ مەديتسينا قىزمەتكەرلەرى بار.
