مەديتسينالىق-سانيتارلىق العاشقى كومەك كورسەتەتىن مەكەمەنى اككرەديتتەۋدەن وتكىزۋ – حالىققا كورسەتىلەتىن مەديتسينالىق كومەك ساپاسىن ارتتىرۋداعى ماڭىزدى قادام.
ەمحاناعا كەلۋشى ءاربىر ادام مەديتسينا سالاسىنداعى قىزمەتكەردىڭ دۇرىس قابىلداۋىن قاشاندا قاجەتسىنەدى ءارى وعان قويىلاتىن ەتيكالىق تالاپ بارىنشا سايكەس بولۋى كەرەك. بۇل تۋرالى ۇنەمى ايتىلىپ, جازىلىپ كەلەدى. ءوز كەزەگىندە سالا مامانى ءتيىستى بىلىمىمەن قاتار قارىم-قاتىناستىڭ جاقسى داعدىلارىن مەڭگەرگەن, ازاماتتارعا شىنايى كومەكتەسۋدى جان-تانىمەن قالايتىن جان بولۋى دا ءجون.
قوستاناي قالالىق «№4 ەمحانا» مكك-ءنىڭ نەگىزى جاڭا مەكەمە رەتىندە 2011 جىلعى ناۋرىز ايىندا قالاندى. العاشقى دەڭگەيدەگى ۇيىمداردىڭ قىزمەتىن رەتتەيتىن دەنساۋلىق ساقتاۋ مينيسترلىگىنىڭ باعدارلامالىق قۇجاتى ارقاۋىندا اككرەديتتەۋ ۇيىمدارى قالىپتاسا باستادى. بۇل ءۇردىس ءبىزدىڭ مەكەمەنىڭ قىزمەتىنە وڭ ىقپالىن تيگىزدى.
سونىڭ ناتيجەسىندە ستاندارتتاردىڭ ساقتالۋى عانا ەمەس, مامانداردىڭ ءبىلىم-ءبىلىگىنىڭ جەتىلدىرىلۋى دە باستى نازارعا الىندى. دايىندىقتىڭ العاشقى دەڭگەيىندە ارنايى جۇمىس توبى قاجەتتى ستاندارت ءتۇرىن زەرتتەپ زەردەلەيدى. وسى ورايدا, ءبىز دەنساۋلىق ساقتاۋدى دامىتۋ رەسپۋبليكالىق ورتالىعىنىڭ اقپاراتتىق ماتەريالدارىن پايدالانا وتىرىپ, باسقا مەكەمەلەردىڭ دە تاجىريبەسىن ءجىتى قاراستىردىق. ۇيىمداعى ءار قىزمەتكەردىڭ پىكىرى تىڭدالىپ, اتقارىلاتىن جۇمىس تۇگەلدەي ناقتى ءتاجىريبەگە نەگىزدەلدى. سونىمەن ءبىرگە, ۇجىمنىڭ ءار مۇشەسىنە اككرەديتتەۋدىڭ ءمان-ماڭىزى ءتۇسىندىرىلدى.
دايىندىق بارىسىندا 246 ستاندارتتى وپەراتسيالىق ءۇردىس قۇرىلىپ, كوميسسيالار جۇمىسى (ماسەلەن, ەتيكالىق) دامي باستادى. قىزمەت بارىسىندا ورىن العان كەلەڭسىزدىكتەردى بولدىرماۋ ماقساتىندا ەتيكالىق كوميسسيا پارمەندى شارا قولدانادى. ءسويتىپ, ستاندارتتى وپەراتسيالىق ءۇردىس ۇيىمداستىرۋشىلىق جۇمىستاردىڭ جاقسارۋىنا سەپتىگىن تيگىزدى. مەكەمەدە پسيحولوگيالىق كومەك كورسەتۋ ءىسى جانداندىرىلدى. سايكەسىنشە جەڭىلدەتۋ بولمەلەرى اشىلدى. مۇندا قىزمەتكەرلەر پسيحولوگ ماماندارمەن پىكىرلەسىپ, كەزدەسىپ قالاتىن قيىندىقتارىمەن ءبولىستى. ءتيىمدى قولداۋ ارقاسىندا جاعدايلارى ايتارلىقتاي جاقسارىپ, قىزمەتتەرىنە تىڭ كۇشپەن كىرىستى.
ءبىزدىڭ ەمحانا كورسەتىلەتىن قىزمەت ساپاسىنىڭ كوپتىڭ كوڭىلىنەن شىعۋىن ۇنەمى نازاردا ۇستايدى. سوندىقتان 2013 جىلى اكۋشەرلىك ءىس, گينەكولوگيا جانە پەدياتريا باعىتتارىنا ماماندانعان ەكى بىردەي ساراپشى جۇمىسقا الىندى.
دايىندىق بارىسىندا پاتسيەنتتەردىڭ قۇقى جونىندەگى ستەندتەر, دەنساۋلىق ساقتاۋ سالاسىنداعى نورماتيۆتىك قۇجاتتار بويىنشا اقپاراتتىق پاراقشالار جاسالدى. قازىرگى تاڭدا قوستاناي وبلىسىنداعى ەڭ ءىرى مەديتسينالىق-سانيتارلىق العاشقى كومەك كورسەتەتىن مەكەمە رەتىندە ءبىزدىڭ ەمحانادا 71 مىڭنان استام ازامات تىركەلگەن. مۇندا ولارعا جان-جاقتى كومەك كورسەتىلەدى.
ال جوعارىدا اتالعان دايىندىق جۇمىستارى كوبىنەسە جۇمىستان تىس ۋاقىتتا جۇرگىزىلدى. ەڭبەگىمىز جانىپ اككرەديتتەۋ كوميسسياسىنىڭ جوعارى باعاسىنا قول جەتكىزدىك. بۇعان ۇيىمشىلدىعىمىز دا ىقپال ەتتى. ورتاق ءىستى بىرلەسىپ اتقارۋ مەرەيىمىزدى ءوسىرىپ, ىنتىماعى جاراسقان ۇجىمعا اينالدىردى. جاڭا ستاندارتتى وپەراتسيالىق ۇردىستەر قۇرىلىپ, العا قويعان جوسپارلار ويداعىداي ورىندالدى. بىلتىر مەكەمەگە «2013 جىلدىڭ سالالىق توپباستاۋشى» ۇلتتىق سەرتيفيكاتى تابىستالدى. بۇل ماراپات ماماندارىمىزدى قاناتتاندىرىپ, الداعى كەزدە دە تالاي بەلەسكە باستايتىنى ءسوزسىز. ءيا, ىسكە دەگەن جاڭاشا كوزقاراس جالعاسا بەرمەك.
مارگاريتا بيسەنوۆا,
قوستاناي قالالىق
«№4 ەمحانا» مكك باس دارىگەرى.
ەمحاناعا كەلۋشى ءاربىر ادام مەديتسينا سالاسىنداعى قىزمەتكەردىڭ دۇرىس قابىلداۋىن قاشاندا قاجەتسىنەدى ءارى وعان قويىلاتىن ەتيكالىق تالاپ بارىنشا سايكەس بولۋى كەرەك. بۇل تۋرالى ۇنەمى ايتىلىپ, جازىلىپ كەلەدى. ءوز كەزەگىندە سالا مامانى ءتيىستى بىلىمىمەن قاتار قارىم-قاتىناستىڭ جاقسى داعدىلارىن مەڭگەرگەن, ازاماتتارعا شىنايى كومەكتەسۋدى جان-تانىمەن قالايتىن جان بولۋى دا ءجون.
قوستاناي قالالىق «№4 ەمحانا» مكك-ءنىڭ نەگىزى جاڭا مەكەمە رەتىندە 2011 جىلعى ناۋرىز ايىندا قالاندى. العاشقى دەڭگەيدەگى ۇيىمداردىڭ قىزمەتىن رەتتەيتىن دەنساۋلىق ساقتاۋ مينيسترلىگىنىڭ باعدارلامالىق قۇجاتى ارقاۋىندا اككرەديتتەۋ ۇيىمدارى قالىپتاسا باستادى. بۇل ءۇردىس ءبىزدىڭ مەكەمەنىڭ قىزمەتىنە وڭ ىقپالىن تيگىزدى.
سونىڭ ناتيجەسىندە ستاندارتتاردىڭ ساقتالۋى عانا ەمەس, مامانداردىڭ ءبىلىم-ءبىلىگىنىڭ جەتىلدىرىلۋى دە باستى نازارعا الىندى. دايىندىقتىڭ العاشقى دەڭگەيىندە ارنايى جۇمىس توبى قاجەتتى ستاندارت ءتۇرىن زەرتتەپ زەردەلەيدى. وسى ورايدا, ءبىز دەنساۋلىق ساقتاۋدى دامىتۋ رەسپۋبليكالىق ورتالىعىنىڭ اقپاراتتىق ماتەريالدارىن پايدالانا وتىرىپ, باسقا مەكەمەلەردىڭ دە تاجىريبەسىن ءجىتى قاراستىردىق. ۇيىمداعى ءار قىزمەتكەردىڭ پىكىرى تىڭدالىپ, اتقارىلاتىن جۇمىس تۇگەلدەي ناقتى ءتاجىريبەگە نەگىزدەلدى. سونىمەن ءبىرگە, ۇجىمنىڭ ءار مۇشەسىنە اككرەديتتەۋدىڭ ءمان-ماڭىزى ءتۇسىندىرىلدى.
دايىندىق بارىسىندا 246 ستاندارتتى وپەراتسيالىق ءۇردىس قۇرىلىپ, كوميسسيالار جۇمىسى (ماسەلەن, ەتيكالىق) دامي باستادى. قىزمەت بارىسىندا ورىن العان كەلەڭسىزدىكتەردى بولدىرماۋ ماقساتىندا ەتيكالىق كوميسسيا پارمەندى شارا قولدانادى. ءسويتىپ, ستاندارتتى وپەراتسيالىق ءۇردىس ۇيىمداستىرۋشىلىق جۇمىستاردىڭ جاقسارۋىنا سەپتىگىن تيگىزدى. مەكەمەدە پسيحولوگيالىق كومەك كورسەتۋ ءىسى جانداندىرىلدى. سايكەسىنشە جەڭىلدەتۋ بولمەلەرى اشىلدى. مۇندا قىزمەتكەرلەر پسيحولوگ ماماندارمەن پىكىرلەسىپ, كەزدەسىپ قالاتىن قيىندىقتارىمەن ءبولىستى. ءتيىمدى قولداۋ ارقاسىندا جاعدايلارى ايتارلىقتاي جاقسارىپ, قىزمەتتەرىنە تىڭ كۇشپەن كىرىستى.
ءبىزدىڭ ەمحانا كورسەتىلەتىن قىزمەت ساپاسىنىڭ كوپتىڭ كوڭىلىنەن شىعۋىن ۇنەمى نازاردا ۇستايدى. سوندىقتان 2013 جىلى اكۋشەرلىك ءىس, گينەكولوگيا جانە پەدياتريا باعىتتارىنا ماماندانعان ەكى بىردەي ساراپشى جۇمىسقا الىندى.
دايىندىق بارىسىندا پاتسيەنتتەردىڭ قۇقى جونىندەگى ستەندتەر, دەنساۋلىق ساقتاۋ سالاسىنداعى نورماتيۆتىك قۇجاتتار بويىنشا اقپاراتتىق پاراقشالار جاسالدى. قازىرگى تاڭدا قوستاناي وبلىسىنداعى ەڭ ءىرى مەديتسينالىق-سانيتارلىق العاشقى كومەك كورسەتەتىن مەكەمە رەتىندە ءبىزدىڭ ەمحانادا 71 مىڭنان استام ازامات تىركەلگەن. مۇندا ولارعا جان-جاقتى كومەك كورسەتىلەدى.
ال جوعارىدا اتالعان دايىندىق جۇمىستارى كوبىنەسە جۇمىستان تىس ۋاقىتتا جۇرگىزىلدى. ەڭبەگىمىز جانىپ اككرەديتتەۋ كوميسسياسىنىڭ جوعارى باعاسىنا قول جەتكىزدىك. بۇعان ۇيىمشىلدىعىمىز دا ىقپال ەتتى. ورتاق ءىستى بىرلەسىپ اتقارۋ مەرەيىمىزدى ءوسىرىپ, ىنتىماعى جاراسقان ۇجىمعا اينالدىردى. جاڭا ستاندارتتى وپەراتسيالىق ۇردىستەر قۇرىلىپ, العا قويعان جوسپارلار ويداعىداي ورىندالدى. بىلتىر مەكەمەگە «2013 جىلدىڭ سالالىق توپباستاۋشى» ۇلتتىق سەرتيفيكاتى تابىستالدى. بۇل ماراپات ماماندارىمىزدى قاناتتاندىرىپ, الداعى كەزدە دە تالاي بەلەسكە باستايتىنى ءسوزسىز. ءيا, ىسكە دەگەن جاڭاشا كوزقاراس جالعاسا بەرمەك.
مارگاريتا بيسەنوۆا,
قوستاناي قالالىق
«№4 ەمحانا» مكك باس دارىگەرى.
