وتكەن ەكى تاۋلىك ىشىندە ەلىمىزدىڭ وڭتۇستىك وڭىرلەرى اۋماعىندا جاڭبىر مەن قار تۇرىندە جاۋىن-شاشىن بولىپ, تەمپەراتۋرانىڭ كۇرت اۋىتقۋى بايقالدى. وسىلايشا, وتكەن تۇندە جول بويىندا توتەنشە جاعدايلاردى الدىن الۋ ءۇشىن الماتى جانە جەتىسۋ وبلىستارىنداعى رەسپۋبليكالىق تراسسالاردىڭ 6 ۋچاسكەسىندە قوزعالىسقا شەكتەۋ ەنگىزىلدى. رەسپۋبليكالىق ماڭىزى بار اۆتوجولداردى وڭدەۋ ءۇشىن 1070 م3 قۇم-تۇز قوسپاسى پايدالانىلدى.
جول بولىگىن قۇم-تۇز قوسپاسىمەن وڭدەۋ جۇمىستارى كۇشەيتىلگەن رەجيمدە جالعاسىپ جاتىر. ءاربىر ۋچاسكەگە جول-پايدالانۋ تەحنيكاسى ءبولىندى, جولداردىڭ ءجۇرۋ بولىگى ديرەكتيۆتى نورمالارعا سايكەس تازارتىلىپ, وڭدەلىپ جاتىر.
بۇدان باسقا, تۇركىستان وبلىسىنىڭ جولشىلارى شىمكەنت قالاسىنان قىزىلوردا وبلىسىنىڭ شەكاراسىنا دەيىنگى «سامارا-شىمكەنت» اۆتوجولىنىڭ ۋچاسكەسىن سۋ باسىپ, شايىلىپ كەتۋىنە جول بەرمەي, جەدەل شارالار قابىلدادى. سونداي-اق ينەرتتى ماتەريالدارى بار 1200-دەن استام قاپ توسەلدى, سۋ بۇرۋ جۇمىستارى جۇرگىزىلدى.
رەسپۋبليكالىق اۆتوجولدار جەلىسىندە قىسقى كۇتىپ-ۇستاۋ جۇمىستارىن اتقارۋعا 477 بىرلىك ارنايى تەحنيكا مەن 1 مىڭنان استام جول جۇمىسشىسى جۇمىلدىرىلدى.
