«فەدەراتسيا تاراپىنان ءبىز جاتتىقتىرۋشىلارعا قوسىمشا مۇمكىندىكتەر جاساپ, ولاردىڭ بىلىكتىلىگىن ارتتىرىپ, بولاشاق چەمپيونداردى تاربيەلەۋدە قوسىمشا موتيۆاتسيا ۇسىنىپ جاتىرمىز. بارشاعا بەلگىلى, سوڭعى جىلدارى اكىمدىكتەردىڭ قولداۋىمەن جانە دەمەۋشىلىك ەسەبىنەن تەننيس ورتالىقتارى قاراعاندى, الماتى, استانا, تاراز, پاۆلودار, اقتوبە, وسكەمەن, شىمكەنت قالالارىندا اشىلدى. سپورتقا دەگەن قىزىعۋشىلىق بالالار مەن ەرەسەكتەر اراسىندا ارتىپ كەلەدى, سوندىقتان ءبىز جاتتىقتىرۋشىلار قۇرامىن دامىتامىز, سەمينار-ترەنينگتەر وتكىزەمىز», دەدى دانيار ابىلعازين.
قازاقستاندا ۇستەل تەننيسىمەن 220 000-عا جۋىق ادام جۇيەلى تۇردە اينالىسادى, 280-دەن استام جاتتىقتىرۋشى 8 مىڭنان استام سپورتشىمەن تۇراقتى نەگىزدە جۇمىس ىستەيدى.
