ماشينا جاساۋ سالاسىن دامىتۋ بويىنشا كەشەندى جوسپار ازىرلەنىپ جاتىر

قازىرگى ۋاقىتتا كەشەندى جوسپاردى ازىرلەۋ شەڭبەرىندە سالانىڭ قازىرگى جاي-كۇيىنە تالداۋ جۇرگىزىلىپ، تۇيتكىلدى ماسەلەلەردى انىقتاۋ جانە ولاردى شەشۋ جولدارى قاراستىرىلىپ جاتىر. جيىن بارىسىندا، اسىرەسە، سالاداعى كادر تاپشىلىعى ماسەلەسىنە ەرەكشە نازار اۋدارىلدى.

«كادرلىق الەۋەت - كەز كەلگەن كاسىپورىننىڭ جوعارى تابىسىنىڭ ماڭىزدى فاكتورى. كادرلاردىڭ كاسىبي دايارلىعى ءونىم ءوندىرىسىن كەڭەيتۋگە ىقپال ەتىپ، ىشكى جانە سىرتقى نارىقتاردا باسەكەگە قابىلەتتىلىگىن قامتاماسىز ەتەدى. بۇگىندە وتاندىق ماشينا جاساۋ ونەركاسىبى جوعارى بىلىكتى كادرلاردىڭ تاپشىلىعى ماسەلەسىنە تاپ بولدى، ەندى ءبىز بۇل پروبلەمانى شۇعىل شەشۋىمىز قاجەت»، ­دەپ اتاپ ءوتتى اۆتوموبيل، ارنايى تەحنيكا جانە اۋىل شارۋاشىلىعى ماشينالارىن جاساۋ باسقارماسىنىڭ باسشىسى رۋسلان حيسامۋتدينوۆ.

بۇل باعىتتا كاسىپورىن وكىلدەرى وقۋ جانە عىلىمي ۇيىمدار اراسىندا تىكەلەي بايلانىس ورناتۋدى، سونىمەن بىرگە ورتا كاسىپتىك ءبىلىم بەرۋ ۇيىمدارىن زاماناۋي ماتەريالدىق-تەحنيكالىق بازامەن قامتاماسىز ەتۋدى ۇسىنىپ وتىر.

سونىمەن قاتار جيىنعا قاتىسۋشىلار تەحنيكانى جوبالاۋ جانە شىعارۋ كەزىندە ونەركاسىپتىك كووپەراتسيانى دامىتۋ، ەكسپورتتىق مۇمكىندىكتەردى دامىتۋ، بيزنەس تاراپىنان قارسى مىندەتتەمەلەر بولعان جاعدايدا شيكىزات پەن ماتەريالداردى، سونداي-اق جابدىقتاردى ساتىپ الۋعا سۋبسيديالار بەرۋ ماسەلەلەرىن كوتەردى.

وسى رەتتە كەشەندى جوسپاردىڭ نەگىزگى ماقساتى ناقتى ءوندىرىس كولەمىن ۇلعايتۋ، ءونىمنىڭ جاڭا تۇرلەرىن ءوندىرۋ، ەكسپورتتى ارتتىرۋ جانە ماشينا جاساۋ سالاسىنداعى دايىن ءونىم يمپورتىن ازايتۋ ەكەنىن اتاپ وتكەن ءجون.