شىمكەنت قالالىق بالالار كلينيكالىق اۋرۋحاناسىنىڭ تاراتقان مالىمەتىنە سايكەس قاڭتار ايىنىڭ باسىندا اتالعان كلينيكاعا ءتورت ايلىق ءسابي جەدەل جاردەممەن جەتكىزىلگەن. اۋرۋحاناعا شۇعىل اكەلۋگە ءسابيدىڭ توقتاۋسىز جوتەلۋى، ەنتىگۋى مەن بويىنداعى جالپى السىزدىك بەلگىلەرى سەبەپ بولعان. دارىگەرلەر شاقالاقتىڭ كەۋدە قۋىسىن رەنتگەن اپپاراتىنا ءتۇسىرۋ ارقىلى وڭ جاق كوكىرەگىندە جارىقتىڭ بارىن انىقتاعان.
مەديتسينالىق تەكسەرۋدەن كەيىن كىشكەنتاي پاتسيەنت حيرۋرگيا بولىمىنە اناسىمەن بىرگە جاتقىزىلدى. كەيىن ەكى كۇن وتكەن سوڭ دارىگەر-حيرۋرگتەر 4 ايلىق سابيگە اشىق تۇردە كۇردەلى وتا جاسايدى.
دارىگەر-حيرۋرگ قايرات ءىزباساروۆتىڭ ايتۋىنشا، وپەراتسيا بارىسىندا وكپەگە قاراي ءوتىپ كەتكەن ءىش قۋىسىنداعى ىشەكتەر حيۋرگيالىق ادىسپەن ءوزىنىڭ ورنىنا كەلتىرىلىپ، كوكىرەك تۇسىنداعى جارىق تىگىلگەن. كىشكەنتاي سابيگە جاسالعان وپەراتسيا 1،5 ساعاتقا سوزىلدى. وتادان كەيىن شاقالاق اعزاسى قالپىنا كەلگەنشە ءبىر كۇن جانساقتاۋ بولىمىندە ءتيىستى ەم-دوم شارالارىنان ءوتىپ، كەلەسى كۇنى پالاتاعا اۋىستىرىلدى.
قايرات يلياس ۇلى ءسابيدىڭ كوكىرەك تۇسىنداعى جارىقتىڭ كولەمى 15 سانتيمەتر بولعانىن ايتادى. ماماننىڭ مالىمدەۋىنشە، مۇنداي جارىقتار كەيدە ادامعا تۋا بىتەدى، ياعني بالا اناسىنىڭ قۇرساعىندا جاتقاندا ءتۇرلى فيزيولوگيالىق اسەردىڭ سالدارىنان پايدا بولادى. سوندىقتان بۇل وزدىگىنەن تۋىندايتىن كەسەل، مەديتسينالىق پراكتيكادا سيرەك كەزدەسەتىن قۇبىلىس رەتىندە قارالادى.
بالالار كلينيكالىق اۋرۋحاناسىنىڭ دارىگەرلەرى بۇگىنگى تاڭدا كىشكەنتاي ناۋقاس ءوزىن جاقسى سەزىنەتىنىن باياندادى. ولاردىڭ سوزىنە قاراعاندا، ەندىگى جەردە قوسىمشا وپەراتسيا جاساۋدىڭ قاجەتتىلىگى جوق. سول سەبەپتى وتا جاسالعان ءسابي كلينيكادا ءبىراز كۇن جاتىپ، ەم-دوم قابىلداپ، اناسىمەن بىرگە امان-ەسەن ۇيىنە قايتارىلدى.
شىمكەنت
باتىس قازاقستان وبلىستىق ءماسليحاتىنا كىمدەر سايلاندى؟
سايلاۋ • كەشە
تۇركىستان وبلىستىق ءماسليحاتىنا سايلانعان دەپۋتتار كىم؟
سايلاۋ • كەشە
بىرقاتار وڭىردە اۋا رايىنا بايلانىستى ەسكەرتۋ جاسالدى
اۋا رايى • كەشە
ۇقساس جاڭالىقتار
