جەرگىلىكتى سايتتىڭ جازۋىنشا, وقىس وقيعا 27 قاڭتار كۇنى بولعان. 2 جاسار بالانىڭ ءۇشىنشى قاباتتان قۇلاعانى بەلگىلى بولدى.
شقو پد ءباسپاسوز قىزمەتىنىڭ مالىمەتىنە سۇيەنسەك, 20 جاستاعى ريددەرلىك تۇرعىن بالاسىمەن قوناقتا بولعان. ۇيىنە قايتار كەزدە ەسىكتىڭ جابىق ەكەنىن كورگەن.
- ماس ايەل بىردەن بالكون ارقىلى سىرتقا شىقپاق بولعاندا بالا قۇلاپ كەتكەن. بالا بىردەن ريددەر قالاسىنداعى مەديتسينالىق مەكەمەگە جەتكىزىلدى, - دەيدى شقو پد ءباسپاسوز قىزمەتى.
تەكسەرۋ ناتيجەلەرى بالانىڭ ومىرىنە ەش قاۋىپ جوق ەكەنىن, اۋىر جاراقات الماعانىن كورسەتتى.
- اتالعان فاكتى بويىنشا ايەلگە قاتىستى قر اقبتك-ءنىڭ 127-بابىنا سايكەس اكىمشىلىك حاتتاما تولتىرىلدى. سونداي-اق الداعى ۋاقىتتا ماتەريال كامەلەتكە تولماعانداردىڭ قۇقىقتارىن قورعاۋ جونىندەگى كوميسسياعا اتا-انا قۇقىقتارىنان ايىرۋ تۋرالى وتىنىشپەن ۇسىنىلادى, - دەدى جاۋاپتى ورگاندار.
