ۇەم باسشىسى ۇكىمەتارالىق كوميسسيانىڭ وتىرىسىن اشا وتىرىپ, قر ۇكىمەتى اتىنان جيىن قاتىسۋشىلارىنا ءىلتيپات ءبىلدىردى جانە شارانى ۇيىمداستىرۋدىڭ جوعارى دەڭگەيىن اتاپ ءوتتى.
ء«بىز ءوزارا ءتيىمدى جانە ناتيجەلى ىنتىماقتاستىقتى نىعايتۋعا دايىنبىز. ەلدەرىمىز اراسىنداعى تاۋار اينالىمى ارتىپ كەلەدى. ءبىز ءوزارا ساۋدانى ۇلعايتۋ ءۇشىن بارلىق كۇش جىگەرىمىزدى سالۋىمىز كەرەك», دەدى ءا.قۋانتىروۆ.
ءمينيستردىڭ ايتۋىنشا, قازاقستان جەتكىزىلەتىن تاۋارلاردىڭ كولەمىن ۇلعايتۋعا جانە تاۋار نومەنكلاتۋراسىن كەڭەيتۋگە دايىن. وتكەن جىلى ەلىمىزدە تاماق, جەڭىل جانە حيميا ونەركاسىبى, ماشينا جاساۋ, فارماتسەۆتيكا, مۇناي وڭدەۋ جانە ت.ب. سالالاردا كاسىپورىندار ىسكە قوسىلدى. جالپىۇلتتىق پۋل شەڭبەرىندە 2022 جىلى $4,2 ملرد قۇرايتىن 160 جوبا جۇزەگە اسىرىلدى. جاڭادان 15,7 مىڭ تۇراقتى جۇمىس ورنى اشىلدى.
«قازاقستاننىڭ ترانزيتتىك الەۋەتى جوعارى. ونى ودان ءارى دامىتۋ ماقساتىندا 2030 جىلعا دەيىنگى ءتيىستى تۇجىرىمداما ازىرلەندى. ونىڭ ماقساتى - تاۋارلاردى جەتكىزۋ جىلدامدىعىن ارتتىرۋ, حالىقارالىق ترانزيتتىك-كولىك دالىزدەرىنىڭ جانە لوگيستيكالىق تەرمينالداردىڭ وتكىزۋ قابىلەتىن جوعارىلاتۋ», دەدى مينيستر.
ونىڭ سوزىنشە, اتالعان شارالار قازاقستاننىڭ ترانزيتتىك الەۋەتىن دامىتۋعا دا, قازاقستان ارقىلى ماجارستان مەن قىتاي اراسىنداعى ەكىجاقتى ساۋداداعى ماڭىزدى كولىك باعىتى بولىپ تابىلاتىن «زاحون پورتى» جوباسىن دامىتۋعا دا ىقپال ەتەتىن بولادى. بۇگىندە قازاقستان مەن ماجارستان ۇكىمەتتەرى اراسىندا اۋە كولىگى تۋرالى كەلىسىم جاساسۋ بويىنشا جۇمىستار جۇرگىزىلىپ جاتىر. ول ازاماتتىق اۆياتسيا سالاسىنداعى ىنتىماقتاستىقتى كەڭەيتۋگە مۇمكىندىك بەرەدى.
«بۇگىندە قازاقستاندا ۆەنگر كاپيتالىنىڭ قاتىسۋىمەن 32 كاسىپورىن جۇمىس ىستەيدى. سونداي-اق اۋىل شارۋاشىلىعى, ساۋدا, قۇرىلىس, تاۋ-كەن ونەركاسىبى سالالارىندا بىرلەسكەن 39 كومپانيا قۇرىلدى», دەدى ۇەم باسشىسى.
مينيستر ماجارستاندىق تاراپقا قازاقستانداعى پەرسپەكتيۆالىق ينۆەستيتسيالىق جوبالارعا قاتىسۋدى ۇسىندى.
بۇدان باسقا, جيىن بارىسىندا ۇكىمەتارالىق كوميسسيانىڭ الدىڭعى 7-ءشى وتىرىسى شەڭبەرىندە قول جەتكىزىلگەن ۋاعدالاستىقتاردىڭ قورىتىندىلارى قارالدى. بۇدان بولەك, ساۋدا, قارجى, اۋىل شارۋاشىلىعى, كولىك, ەنەرگەتيكا, IT, ەكولوگيا, ءبىلىم بەرۋ جانە دەنساۋلىق ساقتاۋ سالالارىنداعى ىنتىماقتاستىق پەرسپەكتيۆالارى تالقىلاندى. جالپى, تاراپتار ەكىجاقتى ىنتىماقتاستىقتى ودان ءارى كەڭەيتۋگە دايىن ەكەندىكتەرىن ءبىلدىردى.
وتىرىس قورىتىندىسى بويىنشا ەنەرگەتيكا, ءبىلىم, بيزنەس جانە ت.ب. سالالارداعى ءوزارا تۇسىنىستىك جانە ىنتىماقتاستىق تۋرالى 9 مەموراندۋمعا قول قويىلدى.
سونداي-اق قر ۇلتتىق ەكونوميكا ءمينيسترى مەن ماجارستاننىڭ قارجى ءمينيسترى باق وكىلدەرى ءۇشىن بىرلەسكەن بريفينگ وتكىزدى.
