ماسكەۋدە ءوتىپ جاتقان «شاحمات جۇلدىزدارى» اتتى حالىقارالىق تۋرنيردە بليتستەن ەكى دۇركىن الەم چەمپيونى ءبيبىسارا اساۋباەۆا راپيدتە باسەكەنىڭ باستى ءفاۆوريتى سەرگەي كارياكيندى جەڭدى، دەپ حابارلايدى Egemen.kz
رەسەيلىك سەرگەي كارياكين – الەمدەگى ەڭ مىقتى گروسسمەيستەردىڭ ءبىرى. قازىرگى ۋاقىتتا ونىڭ 2 739 ۇپايى بار.
تۋرنير كوممەنتاتورلارىنىڭ ايتۋىنشا، ءبيبىسارانىڭ بليتستەن الەم چەمپيونى اتانعانى بەكەر ەمەس. ول سەرگەيدى ءوزىنىڭ سالقىنقاندى ويىنىمەن جەڭگەن.
ەكى مىقتىنىڭ ويىنى مازمۇنى جاعىنان دا، تيىمدىلىگى جاعىنان دا تۋردىڭ ءسانىن كەلتىردى. ءبيبىسارا بۇعان دەيىن سۇحباتتارىندا وسى تۋرنيردە سەرگەي كارياكين مەن تەيمۋر رادجابوۆپەن ويناعىسى كەلەتىنىن بىرنەشە رەت ايتقان ەدى.
ءوز كەزەگىندە رەسەيلىك گروسسمەيستەر مۇنداعى جالعىز جەڭىلىسىنەن ۇيالمايتىنىن مالىمدەدى.
«مەن وتە جاقسى وينايتىن الەم چەمپيونىنان ۇتىلدىم»، دەدى كارياكين.
جارىستىڭ جۇلدە قورى – 15 ميلليون رۋبل. قازىر مۇندا الەمدەگى ەڭ مىقتى شاحماتشىلار شەبەرلىك بايقاسىپ جاتىر. ولاردىڭ قاتارىندا ءبيبىسارا اساۋباەۆا، سەرگەي كارياكين، الەكساندر گريششۋك، تەيمۋر رادجابوۆ، راۋناكۋ سادۆاني، فرانسيسكو ۆالەحو، ۆلاديسلاۆ ارتەمەۆ، ەكاتەرينا لاگنو جانە باسقالارى بار.
گۇلشاحرا سانسىزباي
وسكەمەندە كاماز تىركەمەسى جاياۋ جۇرگىنشىنى قاعىپ كەتتى
ايماقتار • كەشە
براتيسلاۆادا قازاقتىڭ كيىز ءۇيى تىگىلدى
الەم • كەشە
ۇقساس جاڭالىقتار
