تامساندىرعان «تاڭ سامالى»

تاۋ تۇلعانىڭ تالانتىنان تۋعان تۋىندىلار بارشا ونەر­سۇيەر قاۋىمعا ءمالىم. «داي­را­باي»، «قۇداشا-دۋمان» سيمفو­نيالىق كۇيلەرى، «قامار-سۇلۋ»، «الپامىس» جانە «ابىلاي حان» وپە­رالارى، رومانستارى مەن ان­دەرى تالاي جىلدان بەرى تىڭ­داعان جۇرەكتى تەربەتىپ كەلەدى.

كونتسەرتتىڭ اتاۋى كومپوزيتور نۇتفوللا شاكەنوۆتىڭ سو­زىنە جازىلعان «تاڭ سامالى» لي­­رو­ەپيكالىق انىمەن بايلا­نىس­تى. جاس كەزىندە سۇيىكتى قا­لاسى الماتىدان شابىت العان ەركەعالي راحماديەۆ تۋىندىنى جارى كلاراعا ارناعان. ءان كسرو حالىق ءارتىسى روزا باعلانوۆانىڭ رەپەرتۋارىندا ەلدىڭ ەسىندە قا­لىپ، كوپتەگەن جاننىڭ سۇيىس­پەنشىلىگىنە بولەندى. ال وسى كەش­­تە كورەرمەن بۇل ءاندى قازاق­ستاننىڭ ەڭبەك سىڭىرگەن قاي­راتكەرى بيبىگۇل جانۇزاقتىڭ (سوپرانو) ورىنداۋىندا تىڭدادى.

كونتسەرت بارىسىندا «قامار سۇلۋ»، «الپامىس» وپەرالارىنان ۇزىندىلەر، «كۇندەر زۋلاپ بارادى»، «تۋعان ەل تۋرالى جىر»، «وسىناۋ انگە سالعايسىڭ»، «اق تىرنالار»، ء«انشى باقىتتى»، «شات­تىق ءۆالسى» جانە باسقا دا ان­دەرى مەن رومانستارى شىر­قالدى. سازدى كەشكە قازاق­ستان­نىڭ ەڭبەك سىڭىرگەن قايرات­كەرى ازا­مات جىلتىركوزوۆ (باريتون)، «دارىن» مەملەكەتتىك جاس­تار سىيلىعىنىڭ لاۋرەاتى ال­­تىنبەك ءابىلدا (باريتون)، حا­لىق­ارالىق بايقاۋلاردىڭ لاۋرەاتتارى ايگەرىم امانجولوۆا (سوپرانو)، فيرۋزا راحمەتوۆا (سوپرانو)، شاحريزادا تىنىشتىق (سوپرانو)، التىنبەك ارىستانبەك (تەنور)، تالعات اللابيرينوۆ (تەنور)، ءنۇرسات الماس (باريتون) قاتىستى. ال فورتەپيانو پارتيا­سىندا – مادەنيەت سالاسىنىڭ ۇز­دىگى روزا شوتقاليەۆا ونەر كور­سەتتى.