«38 جاستاعى Audi كولىگىن تىزگىندەگەن جۇرگىزۋشى قوسالقى كوشەسىندە, امانات كوشەسىنە قاراي باعىتتاعاندا جاياۋ جۇرگىنشىلەر جولىندا ءوتىپ بارا جاتقان 8 جاستاعى قىزدى قاعىپ كەتكەن. جۇرگىزۋشى قىزدىڭ ءوزى تۇرىپ كەتكەنىنە كوز جەتكىزگەن سوڭ, وقيعا ورنىنان ءىزىن سۋىتقان. ءدال وسى كەزدە وقيعا كۋاگەرى قىزدى اۋرۋحاناعا اپارعان. زارداپ شەككەن بالاعا مەديتسينالىق كومەك كورسەتىلگەن. قالا تۇرعىنى قىزدىڭ اتا-اناسىنا حابارلاسقان. جكو سالدارىنان بالا دەنە جاراقاتىن العان», دەدى استانا پد ءباسپاسوز قىزمەتىنىڭ باسشىسى ەلميرا شاۋلەنوۆا.
پوليتسەيلەر جۇرگىزۋشىنى تاۋىپ,تەرگەۋ جۇرگىزىپ جاتىر.
استانا پوليتسيا دەپارتامەنتى جۇرگىزۋشىلەر مەن جاياۋ جۇرگىنشىلەردەن جولداردا وتە مۇقيات بولۋدى جانە جول قوزعالىسى ەرەجەلەرىنىڭ تالاپتارىن قاتاڭ ساقتاۋدى سۇرايدى. پوليتسەيلەر جۇرگىزۋشىنىڭ ءوزى قاتىسقان جكو ورنىن قالدىرۋى قولدانىستاعى زاڭناماعا سايكەس جاۋاپتىلىققا اكەپ سوعاتىنىن ەسكەرتەدى.
گۇلشاحرا سانسىزباي
