مينيستر ءوز سوزىندە دەنساۋلىق ساقتاۋدى دامىتۋدىڭ بىرنەشە باسىم باعىتتارىن اتاپ ءوتتى. تارقاتىپ ايتقاندا, بۇل - مەديتسينالىق-سانيتاريالىق العاشقى كومەك (مساك) ۇيىمدارىندا مەديتسينالىق قىزمەتتەردىڭ قولجەتىمدىلىگىن قامتاماسىز ەتۋ اۋىلدىق مەديتسينانى دامىتۋ, انا مەن بالا دەنساۋلىعىن ساقتاۋ, ءدارى-دارمەكپەن قامتاماسىز ەتۋدى جاقسارتۋ.
ء«بىز مەملەكەت باسشىسىنىڭ حالىققا مەديتسينالىق كومەك كورسەتۋدىڭ تيىمدىلىگىن ارتتىرۋ جونىندەگى تاپسىرمالارى شەڭبەرىندە كەشەندى جۇمىس جۇرگىزىپ جاتىرمىز. ناتيجەسىندە ەل بويىنشا دەنساۋلىق ساقتاۋدىڭ نەگىزگى مەديتسينالىق-دەموگرافيالىق كورسەتكىشتەرىنىڭ وڭ ديناميكاسى بايقالادى. قاراعاندى وبلىسى بويىنشا جاعداي كەلەسىدەي: حالىقتىڭ جالپى ءولىمى 9%-عا تومەندەدى. سونداي-اق قاناينالىم جۇيەسىنىڭ اۋرۋلارىنان بولاتىن ءولىم-ءجىتىم كورسەتكىشتەرى 37%-عا, وبىردان بولاتىن ءولىم-ءجىتىم 8%-عا, تىنىس الۋ اعزالارىنىڭ اۋرۋلارىنان بولاتىن ءولىم-ءجىتىم 37%-عا تومەندەدى, ال تۋبەركۋلەزدەن بولاتىن ءولىم-ءجىتىم 31%-عا تومەندەدى», دەپ اتاپ ءوتتى اجار عينيات كەزدەسۋ بارىسىندا.
ءمينيستردىڭ ايتۋىنشا, 2022 جىلى 9 جاڭا قالالىق ەمحانا مەن امبۋلاتوريا, ونىڭ ىشىندە قاراعاندى وبلىسىندا 3 ەمحانا پايدالانۋعا بەرىلدى.
مينيستر اۋىلدىق دەنساۋلىق ساقتاۋدى دامىتۋدىڭ باسىمدىعىن اتاپ ءوتىپ, اۋىل تۇرعىندارى ءۇشىن پروفيلاكتيكالىق قاراپ-تەكسەرۋلەردى ەنگىزۋ تۋرالى باياندادى.
«قاراعاندى وبلىسىنىڭ 50 مىڭنان استام اۋىل تۇرعىنى زەرتتەلىپ-قارالدى, 506-عا جۋىق ادام ديناميكالىق باقىلاۋعا الىندى, ولاردا جوعارى قان قىسىمى, قانت ديابەتى, بۇيرەك پاتولوگياسى بەلگىلەرى بايقالدى», دەپ حابارلادى مينيستر.
ايتا كەتسەك, قاراعاندى وبلىسىندا اۋىلدىق مەديتسينا ۇيىمدارىنىڭ بازاسىندا 6 ءدارىحانا پۋنكتى اشىلدى, ال شالعايداعى اۋىلدىق پۋنكتتەر ءۇشىن 7 جىلجىمالى ءدارىحانا پۋنكتى ىسكە قوسىلدى.
«2023 جىلى ۇلتتىق جوبانىڭ شەڭبەرىندە 309 مساك وبەكتىسى, ونىڭ ىشىندە قاراعاندى وبلىسىندا 42 وبەكتى سالىنادى», دەدى ا.عينيات.
مينيستر پروفيلاكتيكالىق قاراپ-تەكسەرۋلەردى قارجىلاندىرۋ كولەمى 2 ەسەگە, مەديتسينالىق كونسۋلتاتسيالىق-دياگنوستيكالىق قىزمەتتەر مەن وڭالتۋ 1,5 ەسەگە, ستاتسيونارلىق كومەك 1,2 ەسەگە, جوعارى تەحنولوگيالىق مەديتسينالىق كومەك 2,2 ەسەگە كوبەيگەنىن جانە جاقىن ارادا 300 توسەكتىك اۋرۋحانا, 200 توسەكتىك پەريناتالدىق ورتالىق سالۋ جوسپارلانعانىن اتاپ ءوتتى.
گۇلشاحرا سانسىزباي
