كىتاپ قازاقستاننىڭ كونسۋلدىق قىزمەتى قالاي قالىپتاسقانىن باياندايدى. باسىلىمدا كونسۋلدىق قىزمەتتىڭ نەگىزىن قالاپ, دامۋىنا زور ۇلەس قوسقان ديپلوماتيالىق قىزمەت ارداگەرلەرىنىڭ, ەلشىلەر مەن ديپلوماتتاردىڭ تاريحي وچەركتەرى, اڭگىمەلەرى مەن فاكتىلەرى جيناقتالعان.
كىتاپتىڭ تۇساۋكەسەر راسىمىنە قر سىرتقى ىستەر ءمينيسترىنىڭ ورىنباسارى قانات تۇمىش, ديپلوماتيالىق قىزمەت ارداگەرى باعدات سەيتباتتالوۆ, قۇرىلىمدىق بولىمشەلەردىڭ باسشىلارى, سونداي-اق سىرتقى ساياسات ۆەدومستۆوسىنىڭ ۇجىمدارى قاتىستى.
ءىس-شاراعا شاقىرىلعان قوناقتار كىتاپتا سيپاتتالعان كونسۋلدىق قىزمەت وكىلدەرىنىڭ كۇندەلىكتى جۇمىسىندا كەزدەسەتىن ءارتۇرلى وقيعالار مەن ومىرلىك جاعدايلارىنا, سونىڭ ىشىندە جاھاندىق پاندەميا كەزىندەگى, جانجال وشاقتارىنداعى جانە شەتەلدە باسقا دا ءتۇرلى جاعدايلارداعى قىزمەتىنە ۇلكەن قىزىعۋشىلىق تانىتتى.
تۇساۋكەسەردەن كەيىن اۆتوگراف-سەسسيا وتكىزىلىپ, قوناقتارعا كىتاپتار تاراتىلدى.
گۇلشاحرا سانسىزباي
