رۋحاني-تانىمى جوعارى شىعارمانى 2014 جىلى قوناەۆ ۋنيۆەرسيتەتى مەملەكەتتىك سىيلىققا ۇسىندى. ءتۇرلى سەبەپپەن مارەگە جەتپەسە دە, جەر-جەردە اعا بۋىن ءبىر-بىرىنەن سۇراپ وقيتىن ەڭبەككە اينالدى. سودان بەرى ونشاقتى جىل ءوتتى. استانا مۋزىكا مەكتەبىنىڭ نەگىزىن قالاۋشى, ءبىلىم ارداگەرى وسپان سۇلەيمەن ۇلى مەن ء«تىل جانە مادەنيەت» بىرلەستىگىنىڭ قايراتكەرى انۋاربەك ەرالى: «سۇرانىسقا يە شىعارما بەس جىل سايىن جارىق كورىپ تۇرعانى ءجون. «تاڭعاجايىپ قوناەۆتى» مادەنيەت جانە سپورت مينيسترلىگى مەملەكەتتىك تاپسىرىسقا ەنگىزەدى دەپ سەنەمىز. بەيمالىم سەبەپپەن تىزىمگە كىرمەي, كەيىنگە قالا بەرەتىنى ويلاندىرادى. راس, د.قوناەۆ قالامگەر ەمەس, بىراق ول مەملەكەت قايراتكەرى, الەمگە ايگىلى تۇلعا عوي. سوندىقتان كىتاپ مەملەكەت قولداۋىمەن شىعۋعا ءتيىس ەدى. ديمەكەڭنىڭ 110 جىلدىق مەرەيتويىنا وراي جارىق كورمەگەنى قامىقتىردى», دەيدى.
ال قۋانىشتى حابار – قوناەۆ جىلىندا تۇركىستان ازاماتتارى وسى كىتاپتى شىمكەنتتەگى «نۇر دانا» باسپاسىنان شىعارىپ, حالىققا ۇسىندى. عىلىمي كونفەرەنتسيادا وقىرمانعا, جەرگىلىكتى كىتاپحانالارعا تاراتتى.
تۇركىستان قالاسىنىڭ ءال-فارابي كىتاپحاناسىندا وتكەن ديمەكەڭە ارنالعان جيىندا كىتاپ اۆتورى وراز قاۋعاباي دەمەۋشى بولعان وبلىستىق مادەنيەت باسقارماسىنا, «قوناەۆ قورىنا» رياسىز العىسىن جەتكىزدى.
تۇركىستانداعى جيىندا اسەت قىدىرقۇل ەسىمدى اقساقال: «قازىر وزدەرى اسپاننان تۇسكەندەي ديماش احمەت ۇلىن جاماندايتىندار دا بار كورىنەدى. ارينە, كومپارتيا ساياساتىمەن بايلانىستىرىپ. استانادا ءبىر اقىننىڭ وسىنداي ولاق ءسوزىن ەستىپ تاڭعالىپ ەدىم. ءوزى الدىندا كوممۋنيستەردى, كەيىن قازاقستاندى قيىن جاعدايعا جەتكىزگەندى جىرلاعانىن تارس ۇمىتىپ كەتكەن... ديمەكەڭنىڭ تازالىعى بولمىسى مەن ىسىندە تۇر» دەپ, بۇگىنگىنىڭ اششى ساباعىن ەسىمىزگە سالدى.
سونداي-اق تاياۋدا اقتوبە قالاسىندا د.قوناەۆ اتىنداعى مەكتەپ-گيمنازيادا دا و.قاۋعاباي كىتابىنىڭ تانىستىرىلىمى ءساتتى ءوتتى.
استانادا دا د.قوناەۆ كوللەدجى مەن مەكتەبىندە كىتاپ اۆتورىمەن كەزدەسۋ بولىپ, اۆتور ادىلەتتى قازاقستان ءۇشىن تۇلعاتانۋدىڭ ماڭىزىن ءتۇسىندىردى. مۇعالىمدەر مەن شاكىرتتەردىڭ ءتۇرلى سۇراعىنا جاۋاپ بەردى.
ايدار جانارىس,
جۋرناليست
