فوتو: REUTERS
ابۋ-دابيدە Borouge كاسىپورنىندا ءورت اۋە شابۋىلىنا قارسى قورعانىس جۇيەلەرى اتىپ تۇسىرگەن نىسانداردىڭ سىنىقتارى قۇلاعاننان كەيىن باستالعانى ايتىلدى. زاۋىتتىڭ جۇمىسى ۋاقىتشا توقتاتىلدى, زارداپ شەككەندەر تۋرالى اقپارات جوق.
بۇعان دەيىن ءباا بيلىگى اۋە قورعانىس كۇشتەرى يراننىڭ بىرنەشە زىمىراندارى مەن دروندارىن جويعانىن مالىمدەگەن. تۇرعىندارعا قاۋىپسىزدىك شارالارىن ساقتاۋ ەسكەرتىلىپ, ەلدەگى قاتتى دىبىستار اۋە شابۋىلىنا قارسى جۇيەلەردىڭ جۇمىسىمەن ءتۇسىندىرىلدى.
باحرەيندە شابۋىلدان كەيىن Bapco Energies نىسانىنداعى رەزەرۆۋار ورتەنگەن. سونىمەن قاتار Gulf Petrochemical Industries كاسىپورنىندا دا ءورت بولعانى حابارلاندى. ەكى ءورت تە سوندىرىلگەن, قازا تاپقاندار تۋرالى مالىمەت جوق.
سوققىلار تۋرالى اقپارات كۋۆەيتتەن دە تۇسكەن. Reuters جانە وزگە دە باق مالىمەتىنشە, بۇعان دەيىنگى يراندىق شابۋىلدار بۇل ەلدەگى نىسانداردا ورتكە سەبەپ بولعان, ال قازىرگى جاعداي قاقتىعىستىڭ وڭىردەگى ماڭىزدى ينفراقۇرىلىمعا اسەرى كۇشەيىپ جاتقانىن كورسەتەدى.
ايتا كەتەيىك, بۇعان دەيىن يزرايل قورعانىس اسكەرى يران قالاسىنداعى مۇناي-حيميا كەشەنىنە سوققى جاسادى. ەنەرگەتيكالىق نىساندا ءورت شىققان, قازىرگى ۋاقىتتا ءورت ءسوندىرىلدى. شابۋىل سالدارىنان بەس ادام قازا تاۋىپ, تاعى 170 ادام جاراقات العان.
