قازاقستاندىق ستاندارتتاۋ جانە مەترولوگيا ينستيتۋتى بەرگەن سەرتيفيكات جوعارى دەڭگەيدە مويىندالعان. بۇل ەلىمىزدىڭ حالال سەرتيفيكاتتاۋ جۇيەسى ءۇشىن ماڭىزدى قادام بولىپ, ەكسپورت مۇمكىندىكتەرىن كەڭەيتتى.
«قازستاندارت» بۇگىندە Saudi Food and Drug Authority جانىنداعى Saudi Halal Center-دە اككرەديتتەلگەن قازاقستانداعى جالعىز ۇلتتىق ورگان. اتالعان قۇرىلىمدار ساۋد ارابياسى نارىعىنا ونىمدەردى كىرگىزۋگە رۇقسات بەرىپ, ولاردىڭ شاريعات تالاپتارى مەن حالىقارالىق ستاندارتتارعا سايكەستىگىن راستايدى. مۇنداي مويىنداۋسىز حالال ءونىمدى ەكسپورتتاۋ مۇمكىن ەمەس. ەندى قازاقستان سەرتيفيكاتتارى رەسمي تۇردە تانىلاتىن ەلدەردىڭ قاتارىنا كىردى», دەلىنگەن حابارلامادا.
ينستيتۋت مالىمەتىنشە, ءونىمدى ىلگەرىلەتۋگە قازاقستاننىڭ اگرووندىرۋشىلەرى مەن ەكسپورتتاۋشىلارى قاۋىمداستىعى قولداۋ كورسەتتى. ۇيىم حالىقارالىق بايلانىستاردى دامىتىپ, ءباا, ساۋد ارابياسى جانە وزبەكستانداعى ساۋدا وكىلدىكتەرى ارقىلى جۇمىس ىستەيدى.
ساۋد ارابياسى حالال ونىمدەرىنە قويىلاتىن تالاپتارى جوعارى نارىقتاردىڭ ءبىرى سانالادى جانە پارسى شىعاناعى ەلدەرىنە شىعۋعا جول اشادى. بۇل نارىققا شىعۋ قازاقستاندىق كومپانيالار ءۇشىن جەتكىزۋ گەوگرافياسىن كەڭەيتۋگە, شەتەلدىك سەرىكتەستەردىڭ سەنىمىن ارتتىرۋعا جانە ەلدىڭ حالال ءونىم جەتكىزۋشى رەتىندەگى پوزيتسياسىن نىعايتۋعا مۇمكىندىك بەرەدى.
الماتى اپورتى ەكسپورتقا دايىندالىپ جاتىر: QazTrade پەن وندىرۋشىلەر مەموراندۋمعا قول قويدى
«قازستاندارت» وكىلدەرى بۇل جەتىستىك مەملەكەت, سالالىق ينستيتۋتتار مەن بيزنەستىڭ جۇيەلى جۇمىسىنىڭ ناتيجەسى ەكەنىن اتاپ ءوتتى.
