فوتو: NBC
توتەنشە جاعدايلارمەن كۇرەس باسقارماسىنىڭ مالىمەتىنشە, تابيعي اپات ءىرى زالال كەلتىرگەن. 793 ءۇي تولىق قيراپ, تاعى 2673 ءۇي زاقىمدانعان. سونداي-اق شامامەن 337 شاقىرىم جول شايىلىپ كەتكەن. كاسىپورىندار, اۋىل شارۋاشىلىعى القاپتارى مەن سۋارۋ جۇيەلەرى زارداپ شەگىپ, 5800-دەن استام وتباسىعا اسەر ەتكەن.
الداعى كۇندەرى سينوپتيكتەر ەل بويىنشا جاۋىن-شاشىن جالعاساتىنىن بولجادى. وسىعان بايلانىستى بيلىك تۇرعىنداردى وزەن جاعالاۋلارى مەن سۋ باسۋ قاۋپى بار ايماقتاردان اۋلاق بولۋعا شاقىردى.
سۋ تاسقىنى مەن كوشكىندەر ەل استاناسىن وڭىرلەرمەن بايلانىستىراتىن نەگىزگى تاسجولدارعا دا زيان كەلتىرگەن.
اۋعانستان ەكسترەمالدى اۋا رايى قۇبىلىستارىنا وسال ءارى الەمدەگى ەڭ كەدەي ەلدەردىڭ ءبىرى بولعاندىقتان, مۇنداي اپاتتار العاش رەت بولىپ وتىرعان جوق. بۇعان دەيىن دە قالىڭ قار مەن كەنەتتەن بولعان سۋ تاسقىندارى كوپتەگەن ادامنىڭ ءومىرىن قيعان.
