سەنات وتىرىسىندا ءسوز سويلەگەن ەرنۇر رىسماعامبەتوۆ قازاقستاندا قورعالعان جانە قامتاماسىز ەتىلمەگەن تسيفرلىق اكتيۆتەردىڭ جوسپارلانعان نارىعىنىڭ بولجامى جانە بۇل قۇرالدار قازاقستاندىقتار اراسىندا قانشالىقتى سۇرانىسقا يە بولادى دەگەن سۇراققا جاۋاپ بەردى.
ونىڭ ايتۋىنشا, احقو ەكوجۇيەسىندە سەگىز كريپتو بيرجا تىركەلگەن, تاعى 19-ى تىركەلۋگە نيەتتى.
«قامتاماسىز ەتىلمەگەن كريپتو-اكتيۆتەر بويىنشا رەسمي ستاتيستيكا جوق. بىراق كەيبىر باعالاۋلار بويىنشا, قازاقستاندا كريپتوگرافيالىق اكتيۆتەردى پايدالانۋشىلار سانى 100 مىڭ ازاماتتان ميلليون ازاماتقا دەيىن ولشەنەدى», دەدى «احقو اكىمشىلىگى» اق باسقارما توراعاسى.
ول احقو-عا بەرىلگەن قامتاماسىز ەتىلمەگەن اكتيۆتەر قارجىلىق اكتيۆتەرگە اينالاتىنىن اتاپ ءوتتى.
