ايتايىن دەگەنىم بۇل ەمەس. بىزدە وسىدان 100 جىل بۇرىن شىققان قازاقشا كالەندار قازىر نەگە جوق؟!. قازاق كالەندارى ءدال قازىرگى قوعام ءۇشىن وتە قاجەت دۇنيە. ىزدەسەڭ تاپپايسىڭ, ورىسشا كالەندار تولىپ تۇر. الۋان تاقىرىپتا. ساتۋشىدان «قازاقشا كالەندار نەگە جوق؟» دەپ سۇراساڭىز مىسقىلداي كۇلىپ: «ۇكىمەتتەن سۇراڭىز» دەيدى. ارينە, ساتۋشى دۇرىس ايتادى.
بۇرىندارى قازاقشا كالەندار كادىمگىدەي رۋحاني – تانىمدىق كىتاپ سياقتى بولاتىن. سول جىلى بولۋعا ءتيىس داتالى مەرەكەلەر, تاريحي وقيعالار, تۇلعالاردىڭ تۋعان كۇندەرى مەن دۇنيەدەن وتكەن مەرزىمدەرى, سونىمەن قاتار ادامزات عۇمىرىنا پايداسى تيگەن ءىرى جاڭالىقتاردىڭ اشىلعان ۋاقىتى قاتارلى دۇنيەلەر تولىپ تۇراتىن. مەكتەپ ۇستازدارى وسى كالەندارعا قاراپ, جىلدىق وقۋ-تاربيە جۇمىسىن جوسپارلايتىن ەدىك.
بىرەۋلەر ايتاتىن شىعار, قاجەت دۇنيەلەر ينتەرنەتتە تولىپ تۇر دەپ. وعان تالاس جوق. بىراق ونىڭ قايسىسى ۇلتىمىزدىڭ بولمىسىنا كەرى, قايسىسى پايدالى, ونى سوڭعى بۋىننىڭ اجىراتۋى قيىن. ويتكەنى پايدالى, پايداسىز اقپارات كوپ. ال كالەندار بولعان جاعدايدا جانە ونى وقۋ-اعارتۋ نەمەسە مادەنيەت جانە سپورت مينيسترلىگى ساراپتان وتكىزىپ, قازىرگى زامان تالابىنا ساي ەتىپ بەكىتىپ بەرگەن بولسا, تيىمدىلىگى زور بولارى حاق.
كوشەرباي توكەستاي,
ارداگەر ۇستاز
ورال
