جەدەل كەڭەستە «اۋىل – ەل بەسىگى» جوباسىنىڭ جۇزەگە اسىرىلۋ بارىسى تۋرالى ەكونوميكا ءبولىمىنىڭ باسشىسى تاتيانا ابلاەۆا باياندادى.
وتكەن جىلى «اۋىل – ەل بەسىگى» بويىنشا 21 اۋىل مەن ەلدى مەكەن اباتتاندىرىلىپ, قازىرگى تاڭدا وندا 60 مىڭعا جۋىق ادام تۇرادى. تۇرعىندار ءۇشىن جاڭا سپورت نىساندارى, مەكتەپتەر مەن ينتەرناتتار سالىنىپ, مادەنيەت وشاقتارى كۇردەلى جوندەۋدەن ءوتتى. جولداردى دا جوندەپ جاتىر.
«بيىلعى جىلى «اۋىل - ەل بەسىگى» جوباسى اياسىندا 43 924 تۇرعىنى بار 32 اۋىلدىق ەلدى مەكەندى دامىتۋ جوسپاردا بار. بۇقار جىراۋ اۋدانى, گاگارينسكوە اۋىلىنداعى مەكتەپتىڭ قوسىمشا قۇرىلىسى جالعاسادى. بۇقار جىراۋ اۋدانىنىڭ ع.مۇستافين اتىنداعى اۋىلىندا جانە اباي اۋدانىنداعى توپارەدە اۋىلىندا ەكى دەنە شىنىقتىرۋ-ساۋىقتىرۋ كەشەنى سالىنادى», دەدى تاتيانا ابلاەۆا.
وساكاروۆ اۋدانى, اقبۇلاق اۋىلىندا ورتا مەكتەپ قايتا جاڭعىرتىلادى. بەس مادەنيەت وشاعىندا كۇردەلى جوندەۋ جۇمىستارى باستالادى.
ء«بىر اۋىلدىق ەلدى مەكەن – ءبىر جىل دەگەن قاعيدانى ۇستانۋ كەرەك. اۋدان اكىمدەرى «اۋىل – ەل بەسىگى» جوباسى اياسىندا اۋىلداردى كەشەندى دامىتۋدىڭ جوسپارلارىن دايىنداۋى قاجەت. بارلىق كونكۋرستىق پروتسەدۋرالاردان دەر كەزىندە ءوتىپ, جوبالاردى جۇزەگە اسىرۋعا كىرىسۋ قاجەت», دەدى وبلىس اكىمى ەرماعانبەت بولەكپاەۆ.
