مينيستر ۇسىنىستاردى, اتقارىلىپ جاتقان جۇمىستار تۋرالى اقپاراتتى تىڭداپ, نەگىزگى مىندەتتەردى اتادى.
كەڭەستە ءبىلىم سالاسىندا ساپانى قامتاماسىز ەتۋ كوميتەتىنىڭ توراعاسى ەرنۇر داۋەنوۆ بايانداما جاساپ, مينيسترلىككە قوعامنان كوپتەگەن ءوتىنىش ءتۇسىپ جاتقانىنا توقتالدى. ونىڭ ايتۋىنشا, بۇل جەرگىلىكتى اتقارۋشى ورگانداردىڭ ماسەلەلەردى دەر كەزىندە شەشپەي وتىرعانىنىڭ بەلگىسى.
«2022 جىلعى قاراشادا مينيسترلىك «پەداگوگتى قورعاۋ» Telegram-چاتىن ىسكە قوستى. 2 ايدىڭ ىشىندە چاتقا 33 مىڭ ادامنان 5 مىڭعا جۋىق ءوتىنىش تۇسكەن. سۇراقتاردىڭ باسىم بولىگى ساعاتتاردى بولۋگە, اتتەستاتسيا, مۇعالىمدەردى مىندەتىنەن تىس قىزمەتكە تارتۋعا, ولاردان شامادان تىس ەسەپ بەرۋدى تالاپ ەتۋگە, ەڭبەكاقى تولەۋگە قاتىستى. وسىعان بايلانىستى ءبىلىم بولىمدەرى مۇعالىمدەر اراسىندا ءتۇسىندىرۋ جۇمىستارىن كۇشەيتۋى قاجەت», دەپ ايتتى ەرنۇر داۋەنوۆ.
