پوليتسيا باسقارماسىنىڭ جەكە قۇرامى حابار الىسىمەن كۇدىكتىنى دەرەۋ ىزدەۋگە كىرىسكەن.
– ساعات 18:00 شاماسىندا روتا كومانديرىنىڭ ورىنباسارى ەرمات ايتماعانبەتوۆ قىلمىس بولعان جەرمەن ءبىر اۋماقتاعى مەكتەپتىڭ اۋلاسىندا جاسىرىنۋعا تىرىسقان كۇدىكتىگە ۇقساس ادامدى بايقادى. پوليتسيا قىزمەتكەرى ونى ۇستادى. ونىڭ قولىندا 520 تەڭگە سوماسىندا قاراجات, كارتوچكالار, تەلەفون جانە كىلتتەر سالىنعان ايەلدىڭ سومكەسى بولدى. 27 جاستاعى ەر ادام پوليتسيا بولىمىنە جەتكىزىلدى. زاتتاي دالەلدەمەلەر تاركىلەندى. تەكسەرىس ءجۇرىپ جاتىر, – دەدى ەكىباستۇز قالاسى پب پاترۋلدىك پوليتسيا روتاسىنىڭ كومانديرى فارۋز كۇسەمبەكوۆ.
پوليتسيا اتالعان فاكتى بويىنشا قر قك-ءنىڭ 191-بابى 1-بولىگىمەن (توناۋ) سوتقا دەيىنگى تەرگەۋ امالدارى جۇرگىزىلىپ جاتقانىن ناقتىلادى. كۇدىكتىگە قاتىستى بۇلتارتپاۋ شاراسى – تۇرعىلىقتى جەرىنەن كەتپەۋ تۋرالى قولحات الىندى.
