ول سۋ استىندا كولىگىمەن بىرگە ءبىر تاۋلىككە جۋىق ۋاقىت جاتقان.
«13 قاڭتادا ساعات 15:10 شاماسىندا قاسىندا جولاۋشىسى بار نيۆا ماركالى كولىكتىڭ جۇرگىزۋشىسى قاتقان الاكول ۇستىمەن ءجۇرىپ وتكەن. سول كەزدە مۇز جارىلىپ, كولىك سۋعا كەتكەن. كولىكتەگى جولاۋشى سىرتقا شىعىپ ۇلگەرگەن. ال جۇرگىزۋشى كولىك سالونىنان شىعا الماي, سۋعا باتىپ كەتتى», – دەلىنگەن تجم ءباسپاسوز قىزمەتىنىڭ حابارلاماسىندا.
ىزدەۋ جۇمىستارى بارىسىندا 14 قاڭتاردا ساعات 11:00-دە اباي وبلىسىنىڭ قۇتقارۋشىلارى سۋعا باتقان ادامنىڭ دەنەسىن 28 مەتر تەرەڭدىكتەن جەر بەتىنە الىپ شىقتى.
ايتا كەتەيىك, قۇتقارۋ جۇمىسىنا قر تجم رقۇ-نىڭ اباي وبلىسىنداعى 4 قىزمەتكەرى, 1 تەحنيكاسى, جەرگىلىكتى اتقارۋشى ورگاننىڭ 25 ادامى مەن 6 تەحنيكاسى جۇمىلدىرىلدى.
