قر پارلامەنتى سەناتى دەپۋتاتى سايلاۋىندا وبلىستاعى 147 ءماسليحات دەپۋتاتىنىڭ 141-ءى داۋىس بەرۋگە قاتىستى. داۋىس بەرۋ ناتيجەسىندە جورابەك نۇرىمبەتوۆكە 18, رۋسلان رۇستەموۆكە 95, اسىلبەك شامەنوۆكە 27 دەپۋتات قولداۋ بىلدىرگەن.
رۋسلان رۇستەموۆ 1968 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.
ەڭبەك جولىن قىزىلوردا پەداگوگيكالىق ينستيتۋتىنىڭ قازاق ادەبيەتى كافەدراسىنىڭ وقىتۋشىسى رەتىندە باستاعان.
1997-2002 جىلدارى قىزىلوردا قالاسى اكىمىنىڭ اپپاراتىندا مامان, كونسۋلتانت, قىزىلوردا قالاسى اكىمىنىڭ ءباسپاسوز حاتشىسى, قىزىلوردا قالالىق مادەنيەت ءبولىمىنىڭ مەڭگەرۋشىسى, قىزىلوردا قالاسى اكىمى اپپاراتىنىڭ ىشكى ساياسات جانە الەۋمەتتىك سالا ءبولىمىنىڭ مەڭگەرۋشىسى.
2002-2008 جىلدارى وبلىستىق مادەنيەت باسقارماسى باستىعىنىڭ ورىنباسارى, وبلىس اكىمى اپپاراتىنىڭ الەۋمەتتىك-ساياسي ءبولىمىنىڭ مەڭگەرۋشىسى, شيەلى اۋدانى اكىمى اپپاراتىنىڭ باسشىسى, اۋدان اكىمىنىڭ ورىنباسارى قىزمەتتەرىن اتقاردى.
2010-2019 جىلدارى وبلىستىق تىلدەردى دامىتۋ, وبلىستىق ىشكى ساياسات باسقارمالارىنىڭ باسشىسى, قىزىلوردا قالاسى اكىمىنىڭ ورىنباسارى, جاڭاقورعان اۋدانىنىڭ اكىمى, وبلىس اكىمىنىڭ ورىنباسارى بولدى.
2022 جىلدىڭ ءساۋىر ايىنان باستاپ قىزىلوردا وبلىسىنىڭ مادەنيەت جانە سپورت باسقارماسىنىڭ باسشىسى قىزمەتىن اتقارىپ كەلگەن.
